Indian Railway: પ્લેટફોર્મ ટિકિટની કિંમત 50 રૂપિયા!

પુણે રેલવે ડિવીઝનમાં પ્લેટફોર્મ ટિકિટની કિંમત વધારીને 50 રૂપિયા કરી દેવામાં આવી છે. ત્યાર બાદથી સોશિયલ મીડિયા પર તેની ચર્ચા થઈ રહી છે. આ વચ્ચે રેલવે પ્રવક્તાએ ખુલાસો કરતા કહ્યું કે કોરોનાની મહામારીને ધ્યાનમાં રાખતા પ્લેટફોર્મ ટિકિટની કિંમત વધારીને 50 રૂપિયા કરવામાં આવી છે.


રેલવે પ્રવક્તાએ ટ્વીટ કરીને કહ્યું કે, પુણે જંક્શન દ્વારા પ્લેટફોર્મ ટિકિટની કિંમત ₹50 રૂપિયા રાખવા પાછળનું કારણ વધારાના લોકોને સ્ટેશન પર આવતા રોકવા માટે છે. જેનાથી સોશિયલ ડિસ્ટન્સિંગનું પાલન કરાવી શકાય. રેલવે પ્લેટફોર્મ ટિકિટની કિંમતો કોરોના મહામારીની શરૂઆતથી જ આ પ્રકારે નિયમંત્રણ કરે છે.


જણાવી દઈએ કે પુણે રેલવે સ્ટેશન પર પ્લેટફોર્મ ટિકિટની કિંમત વધારો કર્યા બાદ સોશિયલ મીડિયાથી લઈને રાજકિય પક્ષોમાં પણ ચર્ચા થઈ રહી છે. કોંગ્રેસ નેતા દિગ્વિજય સિંહે પ્લેટફોર્મ ટિકિટની કિંમત વધારવા બાબતે ટ્વીટ કરી ભારતીય જનતા પાર્ટી પર નિશાન તાક્યું છે. તેમણે કહ્યું કે કોંગ્રેસ રાજમાં રેલવે પ્લેટફોર્મ ટિકિટ 3 રૂપિયા હતી, ભાજપના રાજમાં 50 રૂપિયા થઈ ગઈ છે.