આ રીતે ઘરે બેઠા ચીનની હાલત પાતળી કરવાની તૈયારી કરી રહ્યા છે ભારતીયો

નવી દિલ્હીઃ ચીને ભારતીય સૈનિકો પર હુમલો કરવાની સાથે-સાથે પોતાના માટે આર્થિક તકલીફ પણ ઉભી કરી છે. ચીન પોતાનો સામાન દુનિયામાં મોકલીને પોતાના અર્થતંત્રને ઉપર લાવવાની કોશિશ કરે છે એવામાં હવે ચીને ગલવાન વેલી પર કરેલી કરતૂત બાદ ભારતમાં પણ લોકોમાં ચીન સામે ગુસ્સો ભડકી રહ્યો છે. લોકો ચીની ઉત્પાદનનો બહિષ્કાર કરવા માટે મન બનાવી રહ્યા છે. સોશિયલ મીડિયા પર પણ ચીની ઉત્પાદનોનું લિસ્ટ લોકો શેર કરી રહ્યા છે. આ સાથે મોટા પ્રમાણમાં ચીની પ્રોડક્ટ્સ કઈ છે તે અંગે ગૂગલ પર સર્ચ પણ થઈ રહ્યા છે. પાછલા 48 કલાકમાં ગૂગલ પર ‘List of Chines products in India’, ‘ban chinese products’ અને ‘boycott chinese products’ જેવા સર્ચ વધ્યા છે.ચીની એપનો બોયકોટ શરુ થયોભારતમાં TikTok, UC Browser, Bigo Live, Shareit જેવી એપ્સના કરોડો યુઝર્સ છે. લદ્દાખમાં 20 જવાનો શહીદ થયા બાદ સૂચના મળ્યા બાદ આ એપ્સમાં ભારતીયોનો મોહભંગ શરુ થવા લાગ્યો છે. લોકો કોઈ પણ રીતે ચીનને શબક શીખવવા માગે છે. ઘણાં યુઝર્સે ચીની એપ અનઈન્સ્ટોલ કરી હોવાનું સોશિયલ મીડિયા પર આપી રહ્યા છે. કેટલાક ભારત સરકાર ચીની એપ પર પ્રતિબંધ મૂકે તેવી માગણી કરી રહ્યા છે.CAIT (The Confederation of All India Traders)એ ચીનના સામાનના બહિષ્કાર માટે “ભારતીય સામાન-અમારું અભિયાન” કેમ્પેન શરુ કર્યું છે. CAITએ ચીનથી આયાત થનારી લગભગ 3,000 પ્રોડક્ટ્સનું લિસ્ટ બનાવ્યું છે. જેમાં આજે 500 વસ્તુઓનું લિસ્ટ જારી કરાયું છે. CAITએ કહ્યું, “આ વસ્તુઓ ચીનથી આયાત નહીં થવાથી ભારત પર કોઈ પ્રભાવ નહીં પડે કારણ કે તે તમામ સામાન ભારતમાં પહેલાથી બને જ છે.”CAITએ કહ્યું, “જ્યારે તક મળે છે, ચીન હંમેશા ભારત સામે ષડ્યંત્ર કરે છે, ભારતના સર્વભોમત્વને પડકારે છે. ચીનને શબક શીખવવો જરુરી છે.” CAITના લક્ષ્ય છે કે ડિસેમ્બર 2021 સુધી ભારત દ્વારા ચીનનો સામાનના આયાતમાં લગભગ 13 બિલિયન ડૉલર એટલે કે, 1.5 લાખ કરોડ રુપિયાના ઉત્પાદન ઓછા કરી શકાય તેમ છે. CAITએ પ્રોડક્ટ લિસ્ટમાં રોજ ઉપયોગમાં આવતો સામાન, રમકડા, ફર્નિશિંગ ફેબ્રિક, ટેક્સટાઈલ, બિલ્ડર હાર્ડવેર, ફૂટવેર, ગાર્મેન્ટ્સ, રસોડાની પ્રોડક્ટ, લગેજ, હેન્ડ બેગ, કોસ્મેટિક, ગિફ્ટ આઈટમ, ઈલેક્ટ્રોનિકલ અને ઈલેક્ટ્રોનિક્સ, ફેશન, ઘડિયાળ, જ્વેલરી, કપડા, સ્ટેશનરી, ઘરની વસ્તુઓ, ફર્નિચર, લાઈટિંગ, હેલ્થ પ્રોડક્ટ્સ, પેકેજિંગ પ્રોડક્ટ્સ, ઓટો પાર્ટ્સ, દિવાળી અને હોળીનો સામાન, ચશ્મા વગેરેનો સમાવેશ થાય છે.લદ્દાખમાં ચીને પાર કરી હદપૂર્વ લદ્દાખના લગવાન વેલીમાં ચીનની સેનાએ યુદ્ધ અને શાંતિકાળના નિયમોને ધ્યાનમાં રાખ્યા વિના પગલા ભર્યા છે. બન્ને દેશો વચ્ચે સમજૂતી થઈ હતી કે, ચીને સંપૂર્ણ રીતે તેનાથી અલગ કર્યું. હથિયાર વગર પહોંચેલા ભારતીયો જવાનો પર પથ્થર, લાકડી વગેરેથી હુમલો કર્યો. ગલવાન વેલીમાં પહાડ પરથી ખીણમાં પડેલા સૈનિકો શહીદ થયા. ભારતીય સેનાએ બિહાર રેજિમેન્ટના કમાન્ડિંગ ઓફિસ સહિત 20 જવાનોએ જીવ ગુમાવ્યો હોવાની પુષ્ટી કરી છે. ચીનની આ હરકત ભારતીયોને પસંદ નથી પડી. હવે લોકો ડ્રેગનનો બદલો લેવા માટે પગલા ભરી રહ્યા છે.