દેશમાં છેલ્લા 24 કલાકમાં કોરોનાના 85,362 કેસ, ટોટલ 59 લાખને પાર

ભારતમાં કોરોનાનો કહેર અટકવાનું નામ નથી લઈ રહ્યો. દેશમાં કોરોના કેસના આંકડાની માહિતી આપતા આરોગ્ય મંત્રાલયના આંકડા મુજબ પાછલા 24 કલાકમાં ભારતમાં કોરોના સંક્રમણના નવા 85,362કેસ સામે આવ્યા છે. તો દેશમાં 1089 લોકોના મોત થયા છે. આ સાથે જ દેશમાં કોરોના સંક્રમણના કુલ કેસની સંખ્યા વધીને 59,03,933 લાખ થઈ ગઈ છે. કોરોનનાથી દેશમાં અત્યાર સુધીમાં કુલ 93,379 લોકોના મોત થયા છે. દેશમાંહાલ 9,60,969 એક્ટિવ કેસ છે. જ્યારે 48,49,585 લોકો સ્વસ્થ થઈ ચૂક્યા છે.

ICMRએ જણાવ્યું કે દેશમાં 25 સપ્ટેમ્બર સુધી કોરોનાના 7,02,69,975 ટેસ્ટ થઈ ચૂક્યા છે. શુક્રવારે 13,41,235 સેમ્પલ ટેસ્ટ માટે લેવામાં આવ્યા હતા. આરોગ્ય મંત્રાલયે કહ્યું કે દેશમાં 75 ટકા નવા કેસ 10 રાજ્યો અને કેન્દ્ર શાસિત પ્રદેશોમાંથી આવ્યા છે.

જો કે, એક સારી બાબત એ પણ છે કે ભારતમાં ધીમે ધીમે કોરોનાની બિમારીમાંથી સ્વસ્થ્ય થનારા લોકોની સંખ્યા પણ વધી રહી છે. જેના કારણે ભારતમાં હવે કોરોના વાયરસનો રિકવરી રેટ સામાન્ય વધારા બાદ 82.14 ટકા સુધી પહોંચ્યો છે.

દુનિયાભરમાં કોરોના વાયરસના અત્યાર સુધીમાં 32560947 કેસ નોંધાઈ ચૂક્યા છે. જેમાંથી 988843 લોકોના મોત નિપજ્યા છે જ્યારે 22471040 લોકો સ્વસ્થ્ય થવામાં સફળ થયા છે. સમગ્ર દુનિયામાં અત્યારે 9101064 કેસ એક્ટિવ છે. સતત વધી રહેલા કેસના કારણે દુનિયામાં સૌથી વધારે કેસ ધરાવતા દેશોની યાદીમાં પહેલા સ્થાન પર અમેરિકા, બીજા સ્થાન પર ભારત, ત્રીજા સ્થાન પર બ્રાઝીલ અને ચોથા સ્થાન પર રશિયા છે.