ભારે ઉત્સાહ અને ઝાકમઝાળથી ભારતે પાકિસ્તાન સરહદે આવેલા અટ્ટારી ખાતે 360 ફૂટ ઊંચો વિશાળકાય ધ્વજ ફરકાવ્યો હતો. પરંતુ છેલ્લાં ત્રણ મહિનાથી ભારતનો સૌથી મોટો તિરંગો ફરકતો દેખાતો નથી. દેશના સ્વતંત્રતા દિવસના આડે માત્ર ગણતરીના દિવસો જ બાકી રહ્યા છે ત્યારે આ ઝંડો ફરી એકવાર ચર્ચાની ચકડોળે ચડ્યો છે.
ભારે પવનથી ત્રિરંગાને થાય છે નુકસાન
આની પાછળનું કારણે આ વિસ્તારમાં ભારે પવનને કારણે તિરંગાને વારંવાર થતું નુકસાન છે. અમૃતસરમાં સત્તાવાળાઓએ આ વર્ષે એપ્રિલમાં આ તિરંગાને ઉતારી લીધો હતો. પરંતુ તે પછી એ ફરી ફરકતો જોવા મળ્યો ન હતો. જોકે આટલી ઊંચે ઝંડો ફરકાવવા અને તેની જાળવણી માટે યોગ્ય માળખાકીય સવલતનો અભાવ પણ કારણભૂત હોવાનું જાણવા મળ્યું છે. અમને ‘હતાશા’ અનુભવાય છે અમૃતસરના નાયબ કમિશનર કમલદીપ સિંહ સાંઘાએ રાજ્યના ગૃહ વિભાગ અને સ્થાનિક સંસ્થાઓના મંત્રાલયને પત્ર લખીને જણાવ્યું છે કે પાકિસ્તાન તરફે પણ દેખાતો આ ઝંડો ભારે પવનનો વેગ સહન કરી શકતો નથી અને તે ફાટી જાય છે અને તેને ઉતારી લેવાય છે. ઝંડાની આ દશાને કારણે અમને ‘હતાશા’ અનુભવાય છે.
170ft ઊંચા ધ્વજને પણ ઉતારી લેવાયો
પ્રતિકાત્મક તસવીર પંજાબનો ગૃહ વિભાગ પવનને કારણે ઝંડાને થતાં નુકસાનનો કોઇ ઉકેલ શોધી શકતો નથી. સરહદે આ તિરંગા ઉપરાંત સત્તાવાળાઓએ અમૃતસરમાં રણજીત એવન્યૂ એરિયા ખાતે આવેલા 170 ફૂટ ઊંચા ધ્વજને પણ ઉતારી લીધો છે. આ ઝંડો પણ અત્યાર સુધીમાં 13 વખત ફાટી ગયો છે.
ધ્વજ વગર જ આઝાદી દિનની ઉજવણી!
હવે વહીવટી તંત્રે આ બે મોટા ધ્વજ વગર જ આઝાદી દિવસની ઉજવણી કરવી પડે તેમ છે કેમકે 15 દિવસની અંદર આ મોટા ધ્વજને ફરકાવવાની સમસ્યાનો ઉકેલ મળી શકે તેમ દેખાતું નથી. અમૃતસરના સાંસદ ગુરજીત સિંહનું કહેવું છે કે સૌથી ઊંચો ધ્વજ 15 ઓગસ્ટ પહેલા ફરકાવી શકાય તેવી વ્યવસ્થા ગોઠવવા તેઓ વહીવટીતંત્રને સૂચના આપશે. તેમણે ઉમેર્યું કે ‘તિરંગો ફરકાવો જ જોઇએ, એ ભલે એક દિવસ માટે હોય.’
ત્રિરંગાને નુકસાન થાય છે
પ્રતિકાત્મક તસવીર તેમણે કહ્યું હતું કે ધ્વજની ઊંચાઇ ઘટાડવા અને પવનને અટકાવી શકાય તેવી કોઇ યોગ્ય વ્યવસ્થા ગોઠવવાથી સમસ્યાનો ઉકેલ આવશે. બન્ને ઊંચા ધ્વજોના રખરખાવની જવાબદારી જેના શિરે છે તે અમૃતસર ઇમ્પ્રૂવમેન્ટ ટ્રસ્ટનું કહેવું છે કે આ બન્ને ધ્વજને ઉતારવા અને મુકવામાં ભારે ખર્ચ થાય છે. 360 ફૂટ ઊંચો તિરંગો ત્રણ વખત ફાટી ગયો છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.