વકીલમાંથી સીધા જ સુપ્રીમ કોર્ટ જજ બનશે ઈન્દુ મલ્હોત્રા

I am Gujarat

એડવોકેટમાંથી બનશે સુપ્રીમ કોર્ટના જજ

સુપ્રીમ કોર્ટ કોલેજિયમના સીનિયર એડવોકેટ ઈન્દુ મલ્હોત્રાના નામની સુપ્રીમ કોર્ટના જજ માટે ભલામણ કરાઈ છે. તેમના ઉપરાંત ઉત્તરાખંડ હાઈકોર્ટના ચીફ જસ્ટિસ કે. એમ. જોસેફના નામની પણ ભલામણ કરવામાં આવી છે.

પહેલીવાર મહિલા વકીલ બનશે જજ

2007માં સીનિયર એડવોકેટનું પદ મેળવાનારા ઈન્દુ મલ્હોત્રા દેશના એવા પહેલા મહિલા વકીલ હશે જે સીધા જ સુપ્રીમ કોર્ટના જજ બનશે. ઉત્તરાખંડ હાઈકોર્ટના ચીફ જસ્ટિસ કે.એસ. જોસેફ તે બેચનો હિસ્સો છે જેણે 2016માં ઉત્તરાખંડમાં રાષ્ટ્રપતિ શાસન લગાવવાના કેન્દ્રના નિર્ણયને રદ્દ કર્યો હતો.

1989માં દેશને મળ્યા હતા સુપ્રીમ કોર્ટના પહેલા મહિલા જજ

ઈન્દુ મલ્હોત્રા આઝાદી બાદ સુપ્રીમ કોર્ટની જજ બનનારી સાતમી મહિલા હશે. હાલમાં જસ્ટિસ આર. ભાનુમતિ સુપ્રીમ કોર્ટની એકમાત્ર મહિલા જજ છે. જસ્ટિસ એમ. ફાતિમા બીવી 1989માં સુપ્રીમ કોર્ટની પહેલી મહિલા જજ બની હતી. ત્યાર બાદ જસ્ટિસ સુજાતા વી. મનોહર, જસ્ટિસ રુમા પાલ, જસ્ટિસ જ્ઞાન સુધા મિશ્રા અને જસ્ટિસ રંજના પ્રકાશ દેસાઈ પણ સુપ્રીમ કોર્ટના જજ બની ચૂક્યા છે.