માત્ર ભારત જ નહી ઈરાન પણ ત્રાસવાદથી ત્રસ્ત, કહ્યું પાક.આતંકીઓને આશ્રય આપે છે
I am Gujarat16 Feb 2019, 10:46 pm
માત્ર ભારત જ નહીં આ દેશ છે ત્રસ્ત
જમ્મુ કાશ્મીરના પુલવામામાં સીઆરપીએફના જવાનો પર થયેલા આત્મઘાતી હુમલામાં પાકિસ્તાન સ્થિત આતંકી સંગઠન જૈશ એ મહંમદનો હાથ હોવાનું સામે આવ્યું છે. આ ઉપરાંત ઈસ્લામી રાષ્ટ્ર ઈરાને પણ એવું જણાવ્યું હતું કે, પાકિસ્તાનનું સૈન્ય ‘આત્મઘાતી બોંબર’ને આશ્રય આપવાનું કામ કરે છે. ગુરુવારે પુલવામા સીઆરપીએફ પર થયેલા હુમલાના એક દિવસ પહેલાં બુધવારે ઈરાનમાં પણ એક આત્મઘાતી હુમલો થયો હતો. જેમાં ઈરાની રિવોલ્યુશનરી ગાર્ડના 27 સૈનિકો શહીદ થયા હતા. અમારા ન્યૂઝ WhatsApp પર મેળવવા માટે અહીં ક્લિક કરો
ઈરાન અને પુલવામા થયેલા હુમલામાં સામ્તાઓ
ઈરાન અને પુલવામા થયેલા હુમલામાં ઘણી બધી રીતે સામ્યતા જોવા મળી છે. પુલવામા થયેલા આતંકી હુમલાની ઈરાને આકરા શબ્દોમાં નિંદા કરી હતી. નવી દિલ્હી સ્થિત ઈરાની દૂતાવાસ કચેરીએ ટ્વિટ કર્યું હતું કે, ઈરાની વિદેશ મંત્રાલય પ્રવક્તા બહરામ કાસેમીએ ભારતમાં થયેલા આતંકી હુમલાની ખૂબ નિંદા કરી છે. જેમાં અનેક સૈનિકો શહીદ થયા હતા અને ઘણા બધા જવાનો ઈજાગ્રસ્ત થયા હતા.
ઈરાની સૈન્યના અધિકારીએ કરી આ વાત
ઈરાની સેનાના મેજર જનરલ મહંમદ અલી ઝાફરીએ આતંકી સંગઠન જૈશ અલ અદલનો ઉલ્લેખ કરતા કહ્યું હતું કે, પાકિસ્તાનની સરકાર આતંકીઓને આશ્રય આપે છે જે અમારી સેના માટે અને ઈસ્લામ માટે જોખમી છે. એ લોકોને ખબર છે કે, આતંકીઓ ક્યાં છુપાયા છે અને પાકિસ્તાની સુરક્ષા ટુ઼કડીઓ તેનું સમર્થન કરી રહી છે. એક તરફ વડા પ્રધાન નરેન્દ્ર મોદીએ આતંકી હુમલા માટે જવાબદાર લોકોને પાઠ ભણાવવાની વાત કરે છે ત્યારે ઈરાને પણ આ હુમલાનો બદલો લેવાની વાત કરી છે.
પાકિસ્તાન કોઈ પ્રકારના પગલાં લેતો નથી
ઈરાની મેજર જનરલે કહ્યું હતું કે, પાકિસ્તાન આ આતંકવાદીઓ સામે કોઈ પ્રકારના પગલાં લે તો અમે બદલો લઈશું. પાકિસ્તાને આ પ્રકારના તત્ત્વોને સમર્થન કરવાનું પરિણામ ભોગવવું પડશે. જોકે, પુલવામા થયેલા હુમલા બાદ આંતરરાષ્ટ્રીય સ્તરે આતંકવાદ અંગે પગલાં લેવા માટે દુનિયાના કેટલાક દેશો ભારતની પડખે ઊભા છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.