લદ્દાખ: જેમ-જેમ ઈન્ટરનેશનલ યોગ દિવસ નજીક આવી રહ્યો છે તેમ-તેમ સમગ્ર દેશમાં યોગના અભ્યાસની તૈયારીઓ જોરશોરથી ચાલી રહી હોય તેવું જોવા મળી રહ્યું છે. ભારત-તિબેટ સીમા પોલીસ (ITBP)ના જવાનો પણ જોરશોરથી યોગ દિવસની તૈયારીમાં જોડાયેલા જોવા મળી રહ્યા છે. ITBPના જવાનોએ સમુદ્ર તળિયેથી 18 હજાર ફૂટની ઊંચાઈએ અલગ-અલગ મુદ્રાઓમાં યોગ અભ્યાસ કર્યો. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો ITBPના જવાનો યોગનો અભ્યાસ કરી રહ્યા હોય તેવો એક વીડિયો પણ જોવા મળી રહ્યો છે. લદ્દાખ સ્થિત કેમ્પમાં ભારે ઠંડીમાં જવાનોએ યોગનો અભ્યાસ કર્યો અને ધ્યાન પણ ધર્યું. દર વર્ષે 21 જૂનના રોજ ઈન્ટરનેશનલ યોગ દિવસનું આયોજન કરવામાં આવે છે. આ વર્ષે ઈન્ટરનેશનલ યોગ દિવસનો મુખ્ય કાર્યક્રમ રાંચીમાં આયોજિત થશે કે જેમાં વડાપ્રધાન નરેન્દ્ર મોદી સામેલ થશે. રાંચીના પ્રભાત તારા મેદાનમાં આ કાર્યક્રમનું આયોજન કરવામાં આવશે. જ્યારે હરિદ્વારમાં 21 જૂનના રોજ ગંગા કિનારે આયોજિત થવા જઈ રહેલા કાર્યક્રમનું નેતૃત્વ યોગગુરુ રામદેવ કરશે. આશા છે કે આ કાર્યક્રમમાં હજારોની સંખ્યામાં લોકો સામેલ થશે.
જુઓ, 18 હજાર ફૂટની ઊંચાઈએ ITBPના જવાનોનો યોગ અભ્યાસ
I am Gujarat 14 Jun 2019, 4:11 pm