બર્થ ડે પર યુવતી માટે કેક લઈ પહોંચ્યો એક્સ બોયફ્રેન્ડ, પ્રેમીને મારી છરી

બેંગ્લુરુઃ એવું કહેવાય છે કે પ્રેમ આંધળો હોય છે. આ જ વાતની સાબિતી આપતો કિસ્સો બેંગલુરુના મોહાલીમાં બન્યો હતો. અહીં એક 16 વર્ષની છોકરીના ભૂતપૂર્વ બોયફ્રેન્ડે તેની ગર્લફ્રેન્ડના પ્રેમી પર ચાકૂથી હૂમલો કર્યો હતો. જેમાં તેનું મોત નીપજ્યું હતું. 20 વર્ષનો મોહિત તેની ગર્લફ્રેન્ડનો જન્મદિવસ સેલિબ્રેટ કરવા માટે કેક લઈ તેના ઘરે ગયો હતો. જ્યાં તેણે ગર્લફ્રેન્ડના પ્રેમીની હત્યા કરી હતી. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો 20 વર્ષીય મોહિત, ગૌરવ અને રણજીત સિંહ નામના ફ્રેન્ડ્સ સાથે તેની ગર્લફ્રેન્ડના ઘરે બર્થડે સેલિબ્રેશન માટે ગયો હતો. આ સમયે તેની ગર્લફ્રેન્ડ ઘરની બહાર માર્કેટમાં ગઈ હતી. જ્યારે તેણે જોયું કે તેની ગર્લફ્રેન્ડનો પ્રેમી રાકેશ ઘરે એકલો છે ત્યારે તેણે ઉગ્ર દલીલો કરી હતી. આ પછી મોહિત અને તેના દોસ્તોએ રાકેશને ગળાના ભાગે છરી મારી હતી. પોલીસના જણાવ્યાનુસાર જ્યારે રાકેશ તેના ઘરે પરત ન આવ્યો ત્યારે તેના સંબંધીઓએ છોકરીના ઘરે પૂછપરછ કરી હતી. આ સમયે તેમણે પથારી પર લોહીયાળ હાલતમાં જોયો હતો. પોલીસ ઈન્સ્પેક્ટરના જણાવ્યાનુસાર,’રાકેશ છેલ્લા બે દિવસથી તેની ગર્લફ્રેન્ડના ઘરે જ રહેતો હતો. સોમવારે મોહિત અને તેના બે દોસ્તે છોકરીનો જન્મદિવસ સેલિબ્રેટ કરવા માટે ઘરે આવ્યો હતો. તે સમયે રાકેશ પણ ત્યાં જ હાજર હતો. બધાએ સાથે મળીને તેની હત્યા કરી હતી.’ છોકરીના પિતા ઉત્તરાખંડમાં કામ કરે છે જ્યારે તેની માતા એક પ્રાઈવેટ હોટલમાં કામ કરે છે. આ ઘટના પછી પોલીસે મોહિત અને તેના દોસ્તો સામે IPCની ધારા 302 તેમજ 34 મુજબ નયાગાંવ પોલીસ સ્ટેશનમાં કેસ દાખલ કર્યો છે.