ઝારખંડ: યુવક પર મોદીના નકલી હસ્તાક્ષર કરવાનો આરોપ

રાંચી: ઝારખંડના એખ યુવક પર પ્રધાનમંત્રી મોદીના નકલી હસ્તાક્ષર કરવાનો આરોપ છે. સીબીઆઈએ મંગળવારે આ મુદ્દે આરોપી યુવક સ્વરાજ કુમાર રૉય વિરુધ્ધ કેસ દાખલ કર્યો છે. જાણવા મળ્યું છે કે યુવકે એ પત્રમાં પીએમની મંજુરી રુપે હસ્તાક્ષર કર્યા હતા, જેમાં લખ્યુ હતું કે તેમને સ્વાતંત્ર્ય દિવસ પર એક સંગીત કાર્યક્રમનું આયોજન કરવાનું આમંત્રણ મળ્યું છે.

આ પત્ર જ્યારે પીએમઓ મોકલવામાં આવ્યો જો જવાબ મળ્યો કે આ પ્રકારનો કોઈ સંવાદ થયો જ નથી. આ મુદ્દાને સીબીઆઈ તપાસ માટે સોંપવામાં આવ્યો છે. પ્રાથમિક તપાસ કર્યા બાદ એજન્સીએ યુવક પર કેસ દાખલ કર્યો છે.

એક સીબીઆઈ અધિકારીએ જણાવ્યું કે બોકારોના નિવાસી રૉય મે 2015નો પીએમઓ દ્રારા મોકલેલો એક કથિત પત્ર મોકલ્યો હતો, જેમાં સ્વતંત્રતા દિવસ પર સંગીત કાર્યક્રમના આયોજનનો ઉલ્લેખ કરવામાં આવ્યો હતો.

તેમણે જણાવ્યું કે પ્રાથમિક તપાસમાં જાણવા મળ્યું કે આરોપીએ તમામ દસ્તાવેજો પર પીએમના નકલી હસ્તાક્ષર બનાવી રાખ્યા છે. જો કે આ મુદ્દાની તપાસ કરવામાં આવી રહી છે, અને અત્યાર સુધી યુવકની ધરપકડ કરવામાં નથી આવી.