ફોન વાપરવાથી રોક્યો તો જવાને મેજરને મારી ગોળી

નવી દિલ્હી: ડ્યુટી દરમિયાન મોબાઈલ ફોન યુઝ કરવાની ના પાડી તો રોષે ભરાયેલા જવાને મેજરને ગોળી મારી દીધી. આરોપી જવાન જમ્મુ-કાશ્મીરના ઉરી સેક્ટરમાં તૈનાત છે. ગોળી વાગવાથી મેજરનું ઘટનાસ્થળે જ મૃત્યુ થઈ ગયુ. મળેલી જાણકારી પ્રમાણે, જવાને મેજરને પાછળથી આવીને AK-47થી 5 ગોળીઓ મારી. સેનાએ આખી ઘટના પર તપાસના આદેશ આપ્યા છે. મેજર શિખર થાપા 8 રાષ્ટ્રીય રાઈફલમાં તૈનાત હતા. જે સ્થળ પર મેજર તૈનાત હતા, તે જગ્યા LOCથી અત્યંત નજીક છે. સેનાના અધિકારીઓએ ઘટનાની પૃષ્ટિ કરી છે અને તપાસના આદેશ આપ્યા છે. મીડિયા રિપોર્ટ્સ પ્રમાણે, જવાનનો મોબાઈલ ફોનનો ઉપયોગ કરતા જોઈને મેજને તેને રોક્યો હતો. મેજરે જવાનને કમાન્ડિંગ ઓફિસરને ફરિયાદ કરવાનું પણ કહ્યુ હતુ. આ પછી બન્ને વચ્ચે ધક્કા-મુક્કી થઈ જેમાં જવાનનો ફોન તુટી ગયો. ત્યારપછી બન્ને વચ્ચે લડાઈ થઈ અને જવાને મેજરને ગોળી મારી દીધી.