જમ્મુ-કાશ્મીરના શોપિયામાં પોલીસ દળ પર આતંકી હુમલો, 4 જવાન શહીદ

I am Gujarat

પોલીસ દળ પર આતંકી હુમલો

ફાઈલ ફોટો શ્રીનગરઃ જમ્મુ-કાશ્મીરના શોપિયા જિલ્લાના અરહામા ગામમાં બુધવારે પોલીસ દળ પર આતંકીઓના હુમલામાં 4 પોલીસકર્મી શહીદ થઈ ગયા. મીડિયા રિપોર્ટસ અનુસાર આતંકી સુરક્ષા બળના હથિયાર છીનવી ઘટના સ્થળેથી ફરાર થઈ ગયા હતા. હાલ વિસ્તારમાં ઘેરાબંધી કરવામાં આવી છે.

ચાર પોલીસ જવાન શહીદ થયા

ફાઈલ ફોટો જમ્મુ-કાશ્મીર પોલીસે હુમલાની પુષ્ટિ કરતા જણાવ્યું કે આતંકીઓએ એસ્કોર્ટ પાર્ટી પર ગોળીઓ ચલાવવાની શરૂ કરી દીધી. આ હુમલામાં ચાર જવાનો ગંભીર રીતે ઘાયલ થઈ ગયા હતા. જેમને સારવાર માટે હોસ્પિટલ લઈ જવામાં આવ્યા પરંતુ સારવાર દરમિયાન તેમણે દમ તોડી દીધો હતો. એસ્કોર્ટ પાર્ટી આ વિસ્તારમાં પોલીસ વાહનોના રિપેરિંગ માટે આવી હતી.

અનંતનાગમાં બે હિજબુલના આંતકી ઠાર માર્યા હતા

ફાઈલ ફોટો આ પહેલા સુરક્ષાબળોએ અનંતનાગમાં હિજબુલના બે મુખ્ય આંતકીઓને ઠાર માર્યા હતા. માર્યા ગયેલા આતંકીઓની ઓળખ મુખ્ય હિજબુલ કમાન્ડર અલ્તાફ ડાર ઉર્ફ અલ્તાફ કચરુ અને તેનો સાથી ઉમર રશિદ તરીકે સામે આવી હતી. અલ્તાફ અહમદ ડાર ઉર્ફ કચરૂ બુરહાન વાણીનો ખુબ નજીક હતો. હિજબુલ મુઝાહિદ્દીનના આ આતંકીઓ કુલગામમાં ડિસ્ટ્રિક્ટ કમાન્ડ તરીકે ઘણા વર્ષોથી સુરક્ષા બળોને નિશાનો બનાવી રહ્યા છે.