હૈદરાબાદ: લોકડાઉનના કારણે માર્ચ મહિના પછી ઘણી મહિલાઓએ રોજગારી ગુમાવી છે. ઈન્ફર્ટિલિટી ક્લિનિક્સમાં જઈ રહેલી આ મહિલાઓની નવી વર્ક પ્રોફાઈલ છે સરોગેટ મધર્સ અથવા એગ ડોનર્સ. મોટાભાગની પ્રોફેશનલ મહિલાઓની ઉંમર 25થી 35 વર્ષની વચ્ચે છે. લોનના હપ્તા, માતા-પિતા અને ઘરની જવાબદારીઓના કારણે આ મહિલાઓએ નિ:સંતાન દંપતિઓની મદદ કરવાનો રસ્તો પસંદ કર્યો છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
સામાન્યરીતે એક સરોગેટ મધરને રૂપિયા 5 લાખ મળે છે. જ્યારે એગ ડોનરને રૂપિયા 75 હજારથી 1 લાખ સુધીની રકમ મળે છે. સરોગેટ મધર્સનો ભોજનનો અને દવાઓનો વધારાનો ખર્ચો પણ નિ:સંતાન દંપતિ ઉઠાવે છે. આ વાત હૈદરાબાદ શહેરની છે.
હૈદરાબાદની મીરા નામની 25 વર્ષીય મહિલાએ જણાવ્યું કે લોકડાઉનના કારણે મારા પગારમાં ઘટાડો થયો, મારો પગાર રૂપિયા 45 હજાર મહિને હતો. હવે તે વાત પણ નક્કી નથી કે મને ફરી વખત નોકરી પર બોલાવશે કે નહીં. ત્યારે એક દોસ્તે મને સરોગેસી વિશે જણાવ્યું. જોબ પર સંકટની સ્થિતિમાં મને આ રીતે કમાણીની તક મળી. આ કામ અનૈતિક નથી. પણ, મેં હજુ સુધી ઘરે આ વાત જણાવી નથી.
અન્ય એક 30 વર્ષીય મહિલાના પગારમાં પણ લોકડાઉનના કારણે ઘટાડો થતા તેણે સરોગેસીનો વિકલ્પ પસંદ કર્યો છે. આ મહિલાએ જણાવ્યું કે મને લોકોની ચિંતા નથી કારણકે મુશ્કેલીના દિવસોમાં કોઈને મને સાથ આપ્યો નથી. જ્યારે અન્ય એક મહિલાએ જણાવ્યું કે તેણે પણ લોકડાઉનમાં નોકરી ગુમાવી. તેનો પગાર મહિને રૂપિયા 50 હજાર હતો. તેવામાં તેણે એગ ડોનેટ કરવાનો નિર્ણય લીધો.
ડોક્ટર્સે જણાવ્યું કે અગાઉ સરોગેસી અને એગ ડોનેશનનું કામ ગરીબ વર્ગની મહિલાઓ કરતી હતી. પણ, હવે લોકડાઉનના કારણે આર્થિક સંકટ ઊભું થતા શિક્ષિત અને મિડલ ક્લાસ મહિલાઓ પણ સરોગેસી માટે આગળ આવી રહી છે.
એક્સપર્ટ્સની ચેતવણી: વાલ્વવાળા માસ્ક પહેરવામાં રહેલું છે મોટું જોખમ