આ રેસ્ટોરન્ટે તૈયાર કર્યું 'કોવિડનું શાક' અને 'માસ્ક નાન', જુઓ ફોટોગ્રાફ

એકબાજુ કોરોના વાયરસની મહામારી ચાલી રહી છે ત્યારે બીજી બાજુ અલગ-અલગ ક્ષેત્રે તેની અસર જોવા મળી રહી છે. રાજસ્થાનના જોધપુરમાં એક શાકાહારી રેસ્ટોરન્ટમાં કોવિડ કરી એટલે કે 'કોવિડનું શાક' અને માસ્ક નાન નામની નવીન પ્રકારની ફૂડ આઈટમ પીરસવામાં આવી રહી છે. કોરોના વાયરસની થીમ આધારિત પરંપરાગત રાજસ્થાની ઢબે કોવિડ કરી તૈયાર કરવામાં આવી છે.

અહીં નોંધનીય છે કે માસ્ક નામની ફૂડ આઈટમમાં માસ્કના આકારની નાન જોવા મળી રહી છે. જ્યારે કોરોના વાયરસના આકારની જે કોવિડ કરી તૈયાર કરવામાં આવી છે તેમાં કોરોના વાયરસના આકારના મલાઈ કોફ્તા તૈયાર કરવામાં આવ્યા છે. આ રેસ્ટોરન્ટના ગ્રાહકને કોરોના વાયરસ થીમ આધારિત ખાસ કોવિડ કરી અને માસ્ક નાન પીરસવામાં આવી રહી છે.

જ્યાં એકબાજુ લોકોમાં કોરોના વાયરસનો ડર ફેલાયેલો છે ત્યારે બીજી બાજુ આ રેસ્ટોરન્ટની ખાસ કોવિડ કરી અને માસ્ક નાનવાળી ડીશ લોકોને જમવા માટે આકર્ષી રહી છે. આ રેસ્ટોરન્ટ તરફથી જણાવવામાં આવ્યું છે કે કોરોના ફેલાય નહીં માટે તેઓ રેસ્ટોરન્ટમાં સોશિયલ ડિસ્ટન્સ સહિતના તમામ નિયમોનું પાલન કરી રહ્યા છે. અહીં ફૂડ ઘરે લઈ જવા માટેની પણ સુવિધા છે. સોશિયલ મીડિયા પર આ કોવિડ કરી અને માસ્ક નાનવાળા ફૂડના ફોટોગ્રાફ્સ વાયરલ થઈ રહ્યા છે.