માત્ર 13 રૂપિયાના ખર્ચમાં 100 કિમી સુધી દોડશે આ બાઈક!

I am Gujarat

18 વર્ષના યુવકે કરી કમાલની શોધ

અલાહાબાદઃ બારમાં ધોરણના એક વિદ્યાર્થીએ એવી બાઈક બનાવી છે જે 100 કિલોમીટર સુધી ચાલશે. આ બાઈક કોઈ ફ્યૂઅલથી નહીં પરંતુ બેટરી પર ચાલે છે. ઉત્તર પ્રદેશના અલાહાબાદમાં રહેવા વિદ્યાર્થી શિવમ ચૌહાણે (18 વર્ષ) આ બાઈક બનાવી છે. શિવનની આ શોધ માટે મિનિસ્ટ્રી ઓફ રોડ ટ્રાન્સપોર્ટ અને હાઈવેઝ ઓફ ઈન્ડિયાના મંત્રી નિતિન ગડકરીએ તેમની પ્રશંસા કરી છે.

નીતિન ગડકરીએ કરી પ્રશંસા

શિવમે જણાવ્યું કે તેની બાઈકનું મોડલ નિતિન ગડકરીએ નાગપુરમાં જોયું. તેમણે આ પ્રયાસ માટે ખૂબ પ્રશંસા કરી. શિવમે જણાવ્યું કે બાઈકના ઉત્પાદન માટે તેણે ઈન્ટરનેશનલ સેન્ટર ફોર ઓટોમોબાઈલ ટેકનોલોજી (ICAT) ગુડગાંવથી અપ્રૂવલ અને સર્ટિફિકેશન માટે પ્રયાસ કરી રહ્યો છે. ICAT ઓટોમોટિવ ટેસ્ટિંગ, સર્ટિફિકેશન અને આર એન્ડ ડી સર્વિસ માટે વર્લ્ડ ક્લાસ લીડિંગ એજન્સી છે. આ ભારત સરકારની નેશનલ ઓટોમોટિવ ટેસ્ટિંગ એન્ડ આર એન્ડ ડી ઈન્ફ્રાસ્ટ્રક્ચર પ્રોજેક્ટ (NATRIP) એજન્સીના નીચે સર્વિસ પ્રોવાઈડ કરે છે.

13 રૂપિયાના ખર્ચમાં 100 કિમી સુધી દોડશે બાઈક

શિવમે જણાવ્યું કે, ‘ઘણા દેશો એડવાન્સ બાઈકનું નિર્માણ કરી રહ્યા છે. મેં પણ આવી જ રીતે મારી બાઈકને ડીઝાઈન કરવાનું વિચાર્યું. મારી બનાવેલી બાઈકમાં કોઈપણ અલગ ચેસિસ નથી લાગેલા. આટલું જ નહીં આ બાઈક 13 રૂપિયામાં 100 કિલોમીટર સુધી દોડશે.’

એવરેજ પર નહીં પડે સ્પીડની અસર

પ્રતિકાત્મક તસવીર તેણે જણાવ્યું, ‘બાઈકની સ્પીડ 60 કિલોમીટર પ્રતિ કલાકની હશે. આ ઉપરાંત ખાસ વાત એ પણ છે કે બાઈકની સ્પીડની અસર તેની એવરેજ પર નહીં પડે.’ બાઈક બનાવવામાં શિવનને ત્રણ મહિનાનો સમય લાગ્યો અને એક બાઈક બનાવવા માટે તેણે પાંચથી છ લાખ રૂપિયા ખર્ચ કરવા પડ્યા.