ફરીદાબાદઃ ફરિદાબાદમાં વિકાસ દુબે પોલીસના હાથમાં આવતા આવતા રહી ગયો. સીસીટીવી ફૂટેજમાં જોઈ શકાય ચે કે કેવી રીતે પોલીસ આવે તે પહેલા જ તે ઓટોમાં બેસીને ફરાર થઈ ગયો. ફુટેજમાં વિકાસ રોડ પર ઓટોની રાહ જોતો જોવા મળ્યો. મીઠાઈની દુકાન સામે પાંચ મિનિટ સુધી તે રોડ પર ઊભો રહેલો દેખાયો. તેણે જોયું કે મીઠાઈની દુકાન પર કેમેરો લાગેલો છે એટલા માટે તે ઓટોમાં બેસીને જતો રહ્યો. તેણે કાળા કલરની શર્ટ, જિન્સ અને માસ્ક પહેર્યું હતું. તેના ખભા પર એક બેગ પણ હતું. માનવામાં આવી રહ્યું છે કે તે પોતાનો સામાન લઈને છુપાઈ રહ્યો છે. સ્થાનિક શખ્સે એક ચેનલ સાથેની વાતચીતમાં કહ્યું કે પોલીસે વિકાસને જોયો હતો પરંતુ તેઓ ઓળખી શક્યા નહી.
‘અંકુર’ બનીને હોટલમાં રહ્યો હતો વિકાસ
વિકાસ દુબે પોતાનું નામ બદલેને ચોક વિસ્તારની એક નાનકડી હોટલમાં રોકાયો હતો. હોટલના કર્મચારીઓ અનુસાર વિકાસે પોતાની ઓળખ અંકુર તરીકે આપી હતી. પોલીસ હોટલ પહોંચી તે પહેલા જ તે ત્યાથી પણ ફરાર થઈ ગયો હતો. તેના કેટલાક સહયોગી ત્યાથી પકડાયા હતા.
સરેન્ડર કરવાની ફિરાકમાં છે વિકાસઉત્તર પ્રદેશ પોલીસની ઝડપી તપાસથી ડરેલા વિકાસે રાજ્ય છોડવાનું યોગ્ય લાગ્યું. વિકાસને ડર છે કે જો પોલીસના હાથે તે લાગ્યો તો તેનું એન્કાઉન્ટર નક્કી છે. એટલા માટે તેના વકીલો પણ સક્રીય થઈ ગયા છે.