ગજબ! કર્ણાટકથી આવેલા હાથીઓએ શીખી હિંદી

I am Gujarat

હિંદી શીખી રહ્યાં છે હાથી

લખનૌઃ કર્ણાટકના ટાઈગર રિઝર્વમાંથી આ વર્ષે જ દુધવા નેશનલ પાર્ક લાવવામાં આવેલા હાથીઓના સમૂહે એક મોટી સફળતા મેળવી છે. માત્ર કન્નડ ભાષા જ સમજતાં આ હાથીઓએ હવે હિંદી ભાષા પણ શીખી છે. કર્ણાટકમાં રહીને આરામની જિંદગી જીવી આવેલા આ હાથીઓને દુધવા પાર્કમાં મહેનત કરવી પડી રહી છે. જેમાં પેટ્રોલિંગનું કાર્ય મહત્વનું છે. નોંધનીય છે કે આ મહિનામાં પાંચ મેના રોજ કર્ણાટકથી 11 હાથીઓેને યુપીના દુધવા પાર્કમાં લાવવામાં આવ્યાં હતાં. જેમાંથી આ હાથીઓને ટ્રેનિંગ આપ્યા પછી પાંચ સપ્ટેમ્બરના રોજ અલગ અલગ અભ્યારણ્યોમાં મોકલી દેવામાં આવશે.

મહાવતની સૂચનાઓનું પાલન

આ હાથીઓને હિંદીમાં ક્રેશ કોર્સ કરવો પડ્યો છે. જેથી તે મહાવતની સૂચનાઓનું સારી રીતે પાલન કરી શકે. આ હાથીઓમાં ચાર વર્ષના પુંગા, 3 વર્ષ આઠ મહિનાની પાર્વતી, અઢી વર્ષની કાવેરી સારા ‘સ્ટૂડન્ટ’ સાબિત થયા છે. આ હાથીઓએ હિંદી ભાષા પર ઓછા સમયમાં જ મજબૂત પકડ જમાવી દીધી છે.

આ રીતે અપાઈ ટ્રેનિંગ

દુધવામાં મહાવત ઈરશાદે જણાવ્યું હતું કે,’અમે હિંદી ભાષા અને કન્નડને એકસાથે જ બોલવાની શરુ કરી હતી. ધીરે ધીરે અમે કન્નડમાં આદેશ આપવાનું બંધ કર્યું હતું. આમપણ શીખડાવવાનું કોઈ ફોર્મેટ હોતું નથી. અમે બેઝિક કમાન્ડ આપીએ છીએ. કોઈ હાથીને ફરવા માટે કન્નડમાં ‘સરદ’ કહેવામાં આવતું હતું તો હિંદીમાં ‘ચેગમ’ કહેવામાં આવે છે. આ ઉપરાંત પાછળ ફરવા માટે ‘હટ પીછે’ તથા કન્નડમાં ‘ધાક પીછે’ કહેવામાં આવે છે. આવી રીતે સૂવા માટે ‘ટાયર’ કહેવામાં આવે છે.’