માત્ર બે કપલે ખરીદી ટિકિટ, કરવા ચોથ સ્પેશિયલ ટ્રેન રદ

નવી દિલ્હી: પરિણીત યુગલોને ધ્યાનમાં રાખી કરવા ચોથ પર સ્પેશિયલ ટ્રેનની સેવા યોજના સફળ ન થઈ શકી, કારણ કે, માત્ર જ દંપતીઓએ આની ટિકિટ ખરીદી. સૂત્રોએ આ જાણકારી આપી. સૂત્રો અનુસાર, સ્પેશિયલ ટ્રેન ‘ધ મેજેસ્ટિક રાજસ્થાન ડીલક્સ’માં યુગલો માટે પાંચ દિવસનું પેકેજ ‘ડ્રીમ હૉલિડે’ રાખવામાં આવ્યું હતું. આ અંતર્ગત તેમને રાજસ્થાનના પ્રસિદ્ધ પર્યટન સ્થળોએ ફેરવવાની યોજના હતી. 78 સીટો કરવામાં આવી હતી રિઝર્વ તેમણે જણાવ્યું કે, કરવા ચોથ માટે 78 સીટ આરક્ષિત કરવામાં આવી હતી પણ માત્ર બે જ દંપતીઓએ ટિકિટ ખરીદી. અધિકારીઓએ જણાવ્યું કે, માત્ર વિવાહિત યુગલોને જ આ મુસાફરીમાં પરવાનગી હતી. એટલું જ નહીં સ્પેશિયલ ટ્રેનમાં તેમના માટે કેટલીક ખાસ સુવિધાઓ પણ કરવામાં આવી હતી. આમાં ન્હાવા માટે ખાસ નાનો રૂમ અને પગના મસાજની વ્યવસ્થા શામેલ હતી. એટલું જ નહીં, IRCTCએ બાળકો પણ ખાસ સુવિધા કરી હતી. પ્રચારનો ભાગ હતી ટ્રેન આ ટ્રેન ભારતીય રેલવે કેટરિંગ એન્ડ ટૂરિઝમ (IRCTC)ના પ્રચારનો ભાગ હતી અને તે 14 ઑક્ટોબર સફદરજંગ સ્ટેશનથી રવાના થઈ રાજસ્થાનમાં જેસલમેર કિલા, પટવનની હવેલી, ગડીસર સરોવર, મેહરાનગઢ કિલા, જસવંત થડા, અમ્બેર કિલા અને સિટી પેલેસ જેવા ઐતિહાસિક સ્થળોનું ભ્રમણ કરાવત. 1 લાખ રૂપિયા હતુ ભાડું એક વરિષ્ઠ અધિકારીએ જણાવ્યું કે, ‘માત્ર બે દંપતીઓએ આના માટે બુકિંગ કરાવ્યું હતું, આથી સારું છે કે, તેને રદ કરવામાં આવે. અમે મુસાફરો વિના ટ્રેન ન ચલાવી શકીએ.’ અધિકારીઓએ આની પાછળ વધુ ભાડું એક કારણ હોઈ શકે છે. આમા એક દંપતી માટે એસી વનમાં 1,02,960 રૂપિયા એસી ટૂ ટાયરમાં 90,090 રૂપિયા ભાડા હતા. તેમણે જણાવ્યું કે, બંને દંપતીઓને પૈસા પરત કરી દેવામાં આવશે.