કોબ્રા સાપ વડે પત્નીની હત્યા કરી, કોર્ટે આપી આકરી સજા
કેરળમાં કોબ્રા સાપ વડે પત્નીની હત્યા કરનાર પતિને કોર્ટે ડબલ આજીવન કેદની સજા સંભળાવી છે. આ ઉપરાંત કોર્ટે તેને 17 વર્ષની વધારાની કેદ સાથે 5 લાખ રૂપિયાનો દંડ પણ ફટકાર્યો છે.
I am Gujarat 13 Oct 2021, 9:09 pm
હાઈલાઈટ્સ:
- કેરળમાં પતિએ કોબ્રા સાપ વડે કરી પત્નીની હત્યા
- સેશન્સ કોર્ટે આરોપી પતિને ડબલ આજીવન કેદની સજા આપી
- મૃતકના વકીલે મોતની સજાની માગ કરી હતી
કોબ્રા સાપ વડે 25 વર્ષીય પત્નીની હત્યા કરનાર પતિને ડબલ આજીવન કેદની કઠોર સજા કરવામાં આવી છે. કેરળના કોલ્લમ જિલ્લાની સેશન્સ કોર્ટે બુધવારે આ સજા સંભળાવી છે. આ ઉપરાંત કોર્ટે પતિ સુરજને 5.60 લાખ રૂપિયાનો દંડ પણ ફટકાર્યો છે. આોપીને સજા સંભળાવતા સેશન્સ કોર્ટના જજ વીઆઈ મનોજ એમએ જણાવ્યું કે, આરોપીને ડબલ આજીવન કેદની સજા પહેલાં 10 વર્ષ અને 7 વર્ષની જેલની સજા કાપવી પડશે. પણ પ્રોસિક્યુશન દ્વારા મોતની સજાની માગ કરવામાં આવી હતી. પણ કોર્ટે આરોપીની ઉંમર અને તેનો કોઈ ગુનાખોરીનું બેકગ્રાઉન્ડ ન હોવાને કારણે મોતની સજા આપી ન હતી.
આ ઉપરાંત કોર્ટે એમ પણ કહ્યું કે, આ કેસને રેરેસ્ટ ઓફ ધ રેર કેસ ગણી શકાય નહીં. કોર્ટે સુરજને હત્યાનો દોષી, ઝેર આપવું, પુરાવાઓનો નાશ કરવો અને પ્રથમ વખત વાઈપર સાપ વડે હત્યાનો પ્રયાસ કરવા માટે દોષી જાહેર કર્યો હતો.
સ્પેશિયલ પ્રોસિક્યુટર જી મોહનરાજે કોર્ટને જણાવ્યું કે, મોતની સજા માટે સુપ્રીમ કોર્ટ દ્વારા જાહેર કરેલાં પાંચ કારણોમાંથી ચાર કારણો સુરજ દ્વારા આચરવામાં આવ્યા છે. સુરજની પત્ની ઉથરાના પિતા વિજયાસેનન અને ભાઈ વિશુ કોર્ટમાં ઉપસ્થિત રહ્યા હતા. આરોપીને થિરુવનંતપુરમની સેન્ટ્રલ જેલમાં મોકલવામાં આવ્યો હતો.
આ ઘટના 7 મે 2020ની છે. અને કોબ્રા સાપ વડે પત્નીની હત્યા કરવાની ઘટના સામે આવી હતી તો તમામ લોકો ચોંકી ઉઠ્યા હતા. પ્રોસિક્યુશન દ્વારા ટ્રાયલ માટે 87 સાક્ષીઓ, 288 ડોક્યુમેન્ટ્સ અને 40 મટિરિયલ પુરાવાઓ એકત્ર કરવામાં આવ્યા હતા.
પોલીસે અગાઉ પોતાની તપાસમાં જણાવ્યું હતું કે, 27 વર્ષીય સુરજ પોતાની 25 વર્ષીય પત્ની ઉથરાથી છૂટકારો મેળવવા અને અન્ય કોઈ સાથે લગ્ન કરવા માગતો હતો. મે 2020 પહેલાં માર્ચ 2020માં પણ તેણે પત્નીને મારવા માટેનો પ્રયાસ કર્યો હતો, પણ જેમાં તે અસફળ રહ્યો હતો. આ સમયે ઉથરા 52 દિવસો સુધી પથારીવશ રહી હતી અને તેને પ્લાસ્ટિક સર્જરી પણ કરવામાં આવી હતી. જો કે, બાદમાં મે 2020ના રોજ તેણે કોબ્રા સાપ ખરીદ્યો હતો અને પત્નીને ઊંઘની દવાઓ આપી હતી. અને બાદમાં તેના પર કોબ્રા સાપ છોડી દીધો હતો.
આ ઉપરાંત કોર્ટે એમ પણ કહ્યું કે, આ કેસને રેરેસ્ટ ઓફ ધ રેર કેસ ગણી શકાય નહીં. કોર્ટે સુરજને હત્યાનો દોષી, ઝેર આપવું, પુરાવાઓનો નાશ કરવો અને પ્રથમ વખત વાઈપર સાપ વડે હત્યાનો પ્રયાસ કરવા માટે દોષી જાહેર કર્યો હતો.
સ્પેશિયલ પ્રોસિક્યુટર જી મોહનરાજે કોર્ટને જણાવ્યું કે, મોતની સજા માટે સુપ્રીમ કોર્ટ દ્વારા જાહેર કરેલાં પાંચ કારણોમાંથી ચાર કારણો સુરજ દ્વારા આચરવામાં આવ્યા છે. સુરજની પત્ની ઉથરાના પિતા વિજયાસેનન અને ભાઈ વિશુ કોર્ટમાં ઉપસ્થિત રહ્યા હતા. આરોપીને થિરુવનંતપુરમની સેન્ટ્રલ જેલમાં મોકલવામાં આવ્યો હતો.
આ ઘટના 7 મે 2020ની છે. અને કોબ્રા સાપ વડે પત્નીની હત્યા કરવાની ઘટના સામે આવી હતી તો તમામ લોકો ચોંકી ઉઠ્યા હતા. પ્રોસિક્યુશન દ્વારા ટ્રાયલ માટે 87 સાક્ષીઓ, 288 ડોક્યુમેન્ટ્સ અને 40 મટિરિયલ પુરાવાઓ એકત્ર કરવામાં આવ્યા હતા.
પોલીસે અગાઉ પોતાની તપાસમાં જણાવ્યું હતું કે, 27 વર્ષીય સુરજ પોતાની 25 વર્ષીય પત્ની ઉથરાથી છૂટકારો મેળવવા અને અન્ય કોઈ સાથે લગ્ન કરવા માગતો હતો. મે 2020 પહેલાં માર્ચ 2020માં પણ તેણે પત્નીને મારવા માટેનો પ્રયાસ કર્યો હતો, પણ જેમાં તે અસફળ રહ્યો હતો. આ સમયે ઉથરા 52 દિવસો સુધી પથારીવશ રહી હતી અને તેને પ્લાસ્ટિક સર્જરી પણ કરવામાં આવી હતી. જો કે, બાદમાં મે 2020ના રોજ તેણે કોબ્રા સાપ ખરીદ્યો હતો અને પત્નીને ઊંઘની દવાઓ આપી હતી. અને બાદમાં તેના પર કોબ્રા સાપ છોડી દીધો હતો.