Know Military Strength Of Indian And Pakistan Army
ભારત-પાકિસ્તાનનું યુદ્ધ થાય તો શું થાય? જાણો કોના સૈન્યની કેટલી તાકાત છે
I am Gujarat26 Feb 2019, 4:45 pm
કોના સૈન્યની કેટલી તાકાત?
કાશ્મીરના પુલવામા વિસ્તારમાં ભારતીય જવાનો પર થયેલા આત્મઘાતી હુમલાના 12 જ દિવસ બાદ ભારતીય વાયુ સેનાએ PoKમાં આવેલા જૈશ-એ-મહોમ્મદ આતંકવાદી સંગઠનના કેમ્પ ફૂંકી માર્યા છે. છેલ્લા થોડા સમયથી ભારત અને પાકિસ્તાન વચ્ચે સંબંધો ખાસ્સા તણાવભર્યા ચાલી રહ્યા છે. અત્યાર સુધી બંને પાડોશી દેશો વચ્ચે કાશ્મીર મુદ્દે બે વાર યુદ્ધ થઈ ચૂક્યા છે. જાણો યુદ્ધની પરિસ્થિતિ ઊભી થાય તો કયા દેશ પાસે સૈન્યની કેટલી તાકાત છે. આ આંકડા જોતા તો એમ જ લાગે છે કે ભારતીય સેનાની તાકાત સામે પાકિસ્તાની સેનાનું કંઈ ખાસ ઉપજે તેમ નથી. અમારા ન્યુઝ WhatsApp પર મેળવવા અહીં ક્લિક કરો
બજેટઃ
ઈન્ટરનેશનલ ઈન્સ્ટિટ્યુટ ફોર સ્ટ્રેટેજિક સ્ટડીઝ (IISS)ના આંકડા મુજબ 2018માં ભારતે 14 લાખ સૈનિકો ધરાવતા સૈન્ય માટે $58 બિલિયન (જીડીપીના 2.1 ટકા) જેટલું બજેટ ફાળવ્યું હતું. સામે પાકિસ્તાને $11 બિલિયન જેટલું બજેટ ફાળવ્યું હતું જે તેના જીડીપીના 3.6 ટકા જેટલું છે. પાકિસ્તાનના સૈન્યમાં 6.50 લાખ સૈનિકો છે. સ્ટોકહોમ ઈન્ટરનેશનલ પીસ રિસર્ચ ઈન્સ્ટિટ્યુટ (SIPRI)ના અંદાજ મુજબ 1993થી 2006 વચ્ચે પાકિસ્તાનની સરકાર વાર્ષિક કમાણીના 20 ટકા મિલિટરી પાછળ ખર્ચે છે જ્યારે ભારત સરકાર 12 ટકા મિલિટરી પાછળ ખર્ચે છે.
મિસાઈલ અને ન્યુક્લિયર વેપન્સઃ
બંને દેશો પાસે બાલિસ્ટિક મિસાઈલ છે જે ન્યુક્લિયર શસ્ત્રો છોડી શકે છે. સેન્ટર ફોર સ્ટ્રેટેજિક એન્ડ ઈન્ટરનેશનલ સ્ટડીઝ (CSIS)ના આંકડા મુજબ ભારત પાસે નવ પ્રકારની ઓપરેશનલ મિસાઈલ છે જેમાં અગ્નિ-3નો સમાવેશ થાય છે જેની રેન્જ 3000થી 5000 કિ.મીની છે. CSISના જણાવ્યા મુજબ પાકિસ્તાને ચીનની મદદથી મિસાઈલ બનાવી છે જેમાં મોબાઈલ શોર્ટ અને મિડિયમ રેન્જ વેપનનો સમાવેશ થાય છે. શાહીન 2ની રેન્જ 2000 કિ.મી સુધીની છે. SIPRIના આંકડા મુજબ પાકિસ્તાન પાસે 140થી 150 ન્યુક્લિયર મિસાઈલ્સ છે જ્યારે ઈન્ડિયા પાસે 130થી 140 જેટલી ન્યુક્લિયર મિસાઈલ્સ છે.
ભારતીય આર્મીની તાકાતઃ
IISSના આંકડા મુજબ ભારતની આર્મી ઘણી મજબૂત છે. આર્મીમાં 12 લાખ જવાનો છે. આપણી પાસે 3565 જેટલી બેટલ ટેન્ક, 3100 જેટલા ઈન્ફન્ટરી ફાઈટિંગ વેહિકલ, 336 જેટલા શસ્ત્ર સજ્જ પર્સોનેલ કેરિયર્સ, 9719 આર્ટિલરી છે.
પાકિસ્તાની આર્મીઃ
ભારતની આર્મીની સરખામણીએ પાકિસ્તાની આર્મી નાની પડે. તેમાં 5.60 લાખ સૈનિકો છે, 2496 ટેન્ક, 1605 શસ્ત્રસજ્જ પર્સોનેલ કેરિયર્સ, 4472 આર્ટિલરી ગન્સ અને તોપ છોડતા 375 સેલ્ફ-પ્રોપેલ્ડ હાવિત્ઝર્સ છે.
એરફોર્સઃ
ભારતીય એરફોર્સમાં 1,27,200 યોદ્ધા છે. આપણી પાસે 814 લડાયક વિમાનો છે. પાકિસ્તાન પાસે આપણા કરતા અડધા 425 વિમાનો છે.
નેવીઃ
ઈન્ડિયાની નેવીમાં એક એરક્રાફ્ટ કેરિયર, 16 સબમરિન, 14 ડિસ્ટ્રોયર્સ, 13 ફ્રિગેટ્સ, 106 પેટ્રોલ અને કોસ્ટલ કોમ્બેટ વેસલ્સ છે. આ ઉપરાંત ઈન્ડિયન નેવી પાસે યુદ્ધ કરવા સક્ષમ 75 એરક્રાફ્ટ છે. પાકિસ્તાન પાસે 9 ફ્રિગેટ્સ, 8 સબમરિન, 17 પેટ્રોલ અને કોસ્ટલ વેસલ્સ અને 8 યુદ્ધ માટે સક્ષમ એરક્રાફ્ટ છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.