ભારત સાથે અથડામણઃ ચીને તેના માર્યા ગયેલા સૈનિકોને સન્માન ન આપતા પરિવારજનોમાં રોષ

I am Gujarat

સૈનિકોને ઉચ્ચ સન્માન આપવામાં આવ્યું છે

ચીને પરિવારજનોના ગુસ્સાને શાંત પાડવાનો પ્રયાસ કર્યો છે. ચીનની કોમ્યુનિસ્ટ પાર્ટીના મુખપત્ર ગ્લોબલ ટાઈમ્સના એડિટર હુ શિજિને લખ્યું છે કે મિલિટ્રીમાં જવાનોને સર્વોચ્ચ સન્માન આપવામાં આવ્યું છે. લોકોમાં તેમની માહિતી યોગ્ય સમયે બહાર પાડવામાં આવશે. તેથી આપણા હીરોને યોગ્ય સન્માન આપવામાં આવ્યું છે અને તેમને હંમેશા યાદ રાખવામાં આવશે.

માર્યા ગયેલા સૈનિકોમાં ભારે રોષ

ગ્લોબલ ટાઈમ્સનો એડિટોરિયલ એક વિડીયો વાઈરલ થયા બાદ આવ્યો છે. ચીનમાં વાઈરલ થયેલા આ વિડીયોમાં પીપલ્સ લિબરેશન આર્મીના જવાનોના પરિવારજનો રોષ વ્યક્ત કરી રહ્યા છે કે ભારતીય શહીદ જવાનોને જે સન્માન મળ્યું છે તેવું સન્માન તેમના જવાનોને મળ્યું નથી.

20થી ઓછા જવાનો માર્યા ગયા છે?

ચીનના માર્યા ગયેલા સૈનિકોના પરિવારજનો રોષ વ્યક્ત કરી રહ્યા છે તેવામાં ગ્લોબલ ટાઈમ્સે તેમના આ રોષને શાંત પાડવાનો પ્રયાસ કર્યો છે. જોકે, ગ્લોબલ ટાઈમ્સે સ્વીકાર્યું છે કે પીપલ્સ લિબરેશન આર્મીના 20થી ઓછા જવાનો માર્યા ગયા હતા, પરંતુ ચીનની સરકારે હજી સુધી આ મુદ્દે મૌન જાળવી રાખ્યું છે.

બંને દેશમાં શાંતિ જળવાઈ રહે તેવો પ્રયાસ

ગ્લોબલ ટાઈમ્સે લખ્યું છે કે ચીનની મિલિટ્રીએ કેટલા જવાનો માર્યા ગયા છે તેનો કોઈ આંકડો જાહેર કર્યો નથી, પરંતુ હું માનું છું કે બંને દેશમાં તેને લઈને કોઈ તણાવ ન વધે તે માટે આ પગલું લેવામાં આવ્યું છે. નોંધનીય છે કે ભારતીય મીડિયાએ દાવો કર્યો છે કે ચીનના 40 જવાનોના મોત થયા હતા અને ભારતે ચીનના 16 જવાનોના મૃતદેહ સોંપ્યા હતા. જોકે, હુએ લખ્યું છે કે આ અફવા છે.