Lakhimpur Keri Case: દલિત છોકરીઓના રેપ અને મર્ડરના 6 આરોપી પકડાયા, તેમની ઓળખ છતી થઈ

લખીમપુર ખીરીઃ દેશભરમાં ચકચાર જમાવનારા ઉત્તરપ્રદેશના લખીમપુર ખીરીના રેપ અને હત્યા કેસમાં મોટી અપડેટ્સ આવી છે. આ કેસ ફરી એકવાર ચર્ચામાં આવ્યો છે. દલિત છોકરીઓ પર રેપ અને તેમની હત્યાના કેસમાં યોગી સરકારે તાત્કાલિક એક્શનના નિર્દેશ કર્યા છે. આ સાથે વિરોધ પક્ષોએ સરકારને ઘેરવાનો પ્રયાસ કર્યો છે. લખીમપુર ખીરીના એસપી સંજીવ સુમને આ ઘટનામાં મોટી અપડેટ્સ આપી છે. પોલીસ દ્વારા લખીમપુર ખીરી કાંડમાં તમામ 6 આરોપીઓને પકડી લેવામાં આવ્યા છે. આ 6 આરોપીઓના નામ સામે આવ્યા છે. 15થી 17 વર્ષની છોકરીઓને ઘરના દરવાજેથી ઉઠાવી જઈને તેમના પર રેપ અને હત્યા કરીને પછી ઝાડ પર લટકાવી દેવાના મામલે પોલીસે આરોપી છોટુની ધરપકડ કરી હતી. જેના આધારે અન્ય 5 આરોપીઓની ધરપકડ કરી લેવામાં આવી છે. લખીમપુર ખીરીના ગુનેગારોના નામનો પોલીસે ખુલાસો કર્યો છે. મૃતકના ઘર લખીમપુર ખીરીના તમોલી પુરબા ગામમાં છે. ઘટનાને લઈને મૃતકની માતાએ આરોપ લગાવ્યો હતો કે ત્રણ છોકરા આવ્યા હતા અને છોકરીઓને બાઈક પર લઈ ગયા હતા. તેમણે આરોપીઓ લાલપુર ગામના હોવાની વાત કહી હતી. એસપીએ જણાવ્યું કે છોકરીઓનું અપહરણ, રેપ, મર્ડર અને લાશોને ઝાડ પર લટાકાવી દીધાના કેસમાં તમોલી પુરબાના એક અને લાલપુરના પાંચ આરોપીઓની ધરપકડ કરવામાં આવી છે. તમોલી પુરબા અને લાલપુર બન્ને ગામ આજુબાજુમાં આવેલા છે. એસપીએ જણાવ્યું કે બન્ને ગામ વચ્ચે ત્રણથી ચાર કિલોમીટરનું અંતર છે.

લખીમપુર ખીરી કાંડના 6 ગુનેગારો
છોટુઃ છોકરીઓના રેપ અને મર્ડર કેસમાં છોટી સૌથી પહેલા પકડાયો હતો. જે તમોલી પુરબા ગામનો રહેવાસી છે. તેનું ઘર છોકરીઓના પાડોશમાં આવેલું છે.

જુનૈદઃ જુનૈદ લાલપુર ગામનો રહેવાસી છે. તેના પિતા ઈઝરાઈલના છે.

સુહૈલઃ સુહૈલ પણ લાલપુર ગામનો રહેવાસી છે, તેના પિતાનું નામ ઈસ્લામુદ્દીન છે.

હફીઝુરઃ હફીઝુર રહેમાન ઉર્ફે મજિલકે પણ લાલપુર ગામનો રહેવાસી છે. તેના પિતાનું નામ અજીજુર રહેમાન છે.

કરીમુદ્દીનઃ આ કેસમાં પકડાયેલો કરુમુદ્દીન ઉર્ફે ડીડી લાલપુર ગામનો રહેવાસી છે. તેના પિતાનું નામ કલીમુદ્દીન છે.

આરિફઃ છઠ્ઠો આરોપી આરિફ ઉર્ફે છોટે છે. તે પણ લાલપુરનો રહેવાસી છે. તેના પિતાનું નામ અહેમદ હુસૈન છે.