સહેજ માટે બચી ગઈ રાજધાની એક્સપ્રેસ, નહીંતર હજારો પ્રવાસીઓના જીવ હતા જોખમમાં

મુંબઈઃ કોંકણ રેલવે લાઈન પર આવતા સ્ટેશન આપ્ટા અને જિતે વચ્ચે રેલવે ટ્રેક પર અચાનક ભૂસ્ખલનના કાણે રાજધાની એક્સપ્રેસને ઈમરજન્સી બ્રેક મારી ઉભી રાખવામાં આવી હતી. નિયમ પ્રમાણે પેટ્રોલિંગ પર નીકળેલા પેટ્રોલમેન અને રાજધાનીના મોટરમેનની સતર્કતાના કારણે ખૂબ મોટી દૂર્ઘટના ઘટતા બચી ગઈ હતી.હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરોરવિવારે સાંજે 5 વાગ્યાની આસપાસ રાજધાની એક્સપ્રેસ તેની તીવ્ર ગતીએ પસાર થઈ રહી હતી ત્યારે પેટ્રોલિંગ પર રેલવે ટ્રેક પર ફરી રહેલા પેટ્રોલમેને ભૂસ્ખલનના કારણે રેલવે ટ્રેક પર આવી ગયેલા પથ્થરો અને માટીના ઢગલાને જોયો. તેણે તત્કાળ સમયસુચકતા વાપરીને પૂરપાટ વેગે આવતી રાજધાનીને પોતાના હાથમાં રહેલી લાલ ઝંડી દેખાડવાનું શરું કર્યું. પેટ્રોલમેનના હાથમાં લાલ ઝંડી જોઈને રાજધાનીના ડ્રાઈવર તેમજ કો ડ્રાઇવરને નક્કી કંઈ ખોટું થયું હોવાની શંકા મજબૂત થતા તેમણે તાત્કાલીક ટ્રેનની ઈમર્જન્સી બ્રેક મારી હતી. જો દૂર્ઘટના ઘટી હોત તો કેટલી ગંભીર બની હોત તે વીડિયો જોઈને ખ્યાલ આવે છે કે બ્રેક માર્યા બાદ પણ ટ્રેન ભૂસ્ખલનની જગ્યાએથી માંડ અડધા ફૂટ દૂર આ ટ્રેન ઉભી રહી હતી. આ ઘટનાનો વીડિયો બાજુના પાટા પરથી પસાર થતી ટ્રેનના એક મુસાફરે ઉતાર્યા બાદ સોશિયલ મીડિયામાં વાયરલ થયો હતો અને લોકોએ રેલવેના આ ત્રણેય કર્મચારીઓની સુઝબૂઝના વખાણ કર્યા હતા. મધ્ય રેલવેએ પણ પોતાના ત્રણેય કર્મચારીના વખાણ સત્તવાર ટ્વિટર હેન્ડલ મારફત કર્યા હતા.