VIDEO: દુકાન પર લાગ્યો સેલ તો લોકો 'કોરોના'ને પણ ભૂલી ગયા

ચેન્નઈના રોયાપેટ્ટાના ડો.બસંત રોડ પર સ્થિત કપડાની દુકાનને શુક્રવારે સીલ કરી દેવામાં આવી. કેમ કે દુકાનમાં લાગેલા સેલને કારણે, ઘણા લોકો એકઠા થયા કે સામાજિક અંતર રાખવાનું પણ લોકો ભૂલી જ ગયા. લોકો આ સસ્તી ખરીદીમાં એટલા બધા ખોવાઈ ગયા છે કે તેમને 'કોરોના' યાદ જ ન રહ્યો. જેથી પોલીસે પહેલા ટોળાને વિખેર્યું અને પછી સ્ટોરને તાળા મારી દીધા.

વિડીઓમાં જોઈ શકાય છે કે સ્ટોર નજીક મોટી સંખ્યામાં લોકો હાજર છે. ઘણા લોકો માસ્ક પહેર્યું નથી. કેટલાકે પહેર્યા છે પણ બતાવવા માટે. પોલીસે લોકોને ઘરે જવા કહ્યું ત્યારે તેઓ દુકાનમાં પ્રવેશવા માટે પ્રયાસ કરવા વાગ્યા. રિપોર્ટ અનુસાર આ દુકાન તાજેતરમાં જ ખોલવામાં આવી હતી અને 999 રૂપિયામાં 9 શર્ટ વેચવામાં આવી રહ્યા છે, 9 રૂપિયામાં ટી-શર્ટ વેચાઈ રહી હતી. આવી ઓફર્સને કારણે અહીં લોકોનું ટોળું એકઠું થઈ ગયું હતું.


ગ્રેટર ચેન્નઈ કોર્પોરેશન (જીસીસી)ના તેનામપેટ ઝોનલ અધિકારીએ 'ધ ન્યૂઝ મિનિટ'ને કહ્યું કે, અમને ખબર પડી કે દુકાનની બહાર લોકો એકઠા થયા છે ત્યાર બાદ સ્ટોર સીલ કરી દેવામાં આવી હતી. દુકાન માલીકની અરજી બાદ અમે આગળની કાર્યવાહી કરીશું. પોલીસે કહ્યું કે સ્ટોર મેનેજમેન્ટ વિરુદ્ધ હજી સુધી કોઈ ફરિયાદ અને કેસ નોંધાયા નથી. પરંતુ સ્ટોર અસ્થાયી રૂપે સીલ કરવામાં આવ્યું છે.