હોટેલના રૂમમાંથી આ હાલતમાં મળી આવ્યા કપલના મૃતદેહ, પોલીસ પણ ચોંકી ઉઠી!

લખનઉ: ઉત્તરપ્રદેશની રાજધાની લખનઉની એક હોટેલમાંથી પ્રેમી યુગલના શબ સંદિગ્ધ હાલતમાં મળી આવતા હડકંપ મચી ગયો છે. આ ઘટનાની સૂચના મળતા જ પોલીસ જ્યારે હોટેલ પર પહોંચી ત્યારે જોયું તો એક રૂમમાં યુવતીનું શબ પલંગ ઉપર પડ્યું હતું જ્યારે યુવકનું શબ ગળેફાંસો ખાધેલી હાલતમાં મળી આવ્યું હતું. પોલીસે આ બંને મૃતકોના શબ પોસ્ટમોર્ટમ માટે મોકલી આપ્યા છે અને તેમના પરિજનોને આ અંગેની સૂચના આપીને આ કેસમાં આગળ વધુ તપાસ હાથ ધરી છે.

આ પ્રેમી યુગલના મૃતદેહ હોટેલના રૂમમાંથી મળી આવતા હોબાળો મચી ગયો હતો. રાહુલ અને નેન્સી નામનું આ કપલ હોટેલમાં રોકાયુ હતું. બપોર સુધી તેમણે હોટેલના રૂમનો દરવાજો નહીં ખોલતા હોટેલના કર્મચારીઓએ પોલીસને આ અંગેની સૂચના આપી હતી. ઘટનાસ્થળ પર પહોંચેલી પોલીસે રૂમનો દરવાજો તોડતા જોયુ તો અંદર આ કપલના મૃતદેહ હતા.

પ્રાપ્ત માહિતી મુજબ રાહુલ નામનો આ યુવક અને નેન્સી નામની યુવતી લાંબા સમયથી એકબીજાના પ્રેમમાં હતા. તેઓ છેલ્લા 4 વર્ષથી એકબીજાને જાણતા હતા. તેઓ ઘણી વખત બહાર કોઈ હોટેલમાં મુલાકાત કરતા હતા. પોલીસના જણાવ્યા મુજબ આ યુવક અને યુવતીની જાતિ અલગ હોવાથી તેમના પરિવારના સભ્યો લગ્ન માટે રાજી નહોતા. આ કારણે તેમણે આત્મહત્યા કરી. પોલીસને ઘટનાસ્થળેથી કોઈ સુસાઈડ નોટ પણ મળી આવી નથી.

પોલીસે જણાવ્યું કે રાહુલ નામના યુવકનો મૃતદેહ ગળેફાંસો ખાધેલી હાલતમાં મળી આવ્યો જ્યારે યુવતીનો મૃતદેહ પલંગ ઉપર પડ્યો હતો. એ પ્રકારે પણ આશંકા વ્યક્ત કરવામાં આવી રહી છે કે આ યુવકે તે યુવતીનું ગળું દબાવીને હત્યા કર્યા પછી પોતે ગળેફાંસો ખાઈને આત્મહત્યા કરી હશે. પોલીસ આ કેસમાં વધુ તપાસ કરી રહી છે.