'તમને હસવું આવશે પણ મને....' વૃદ્ધનો ફોન આવતા જ દોડી પોલીસ, કરી આવી મદદ

લખનઉઃ દેશમાં લૉકડાઉનના કારણે લોકો ઘરમાં કેદ થવા મજબૂર થયાં છે. ઉત્તર પ્રદેશમાં પોલીસ ઘરમાં જરુરિયાતનો સામાન પહોંચાડી રહી છે. લોકો યુપીમાં 112 પર કોલ કરીને પોલીસની મદદ માગી રહ્યાં છે. આવા જ એક કિસ્સામાં વૃદ્ધે પોલીસને ફોન કરીને મદદ માગી હતી. તરત જ પોલીસ હાજર થઈ અને તેના માટે રસગુલ્લા લઈ આવી હતી. પણ પોલીસે આવું શા માટે કર્યું? આવો જાણીએ શું છે સમગ્ર કિસ્સો….હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરોસુગર લો થતા બગડી તબીયતહકીકતમાં લખનઉના વૃદ્ધે પોલીસને ફોન કર્યો હતો અને કહ્યું હતું કે,’કદાચ તમને હસવું આવે પરંતુ મારુ સુગર અત્યંત લો છે અને મીઠાઈ ખાવાનું મન થયું છે.’ પોલીસે વૃદ્ધની આ માંગણી પૂરી કરી હતી અને તેમને રસગુલ્લા ખવડાવ્યાં હતાં.પોલીસને ફોન કર્યો અને…..આ ઘટના લખનઉના હઝરતગંજની છે. 88 વર્ષના આરકે કેસરવાની પોતાની પત્ની સાથે એકલા જ કસમંડા હાઉસમાં રહે છે, જ્યારે તેના બાળકો અમેરિકામાં છે. આરકે કેસરવાની સરકારી વિભાગમાં એન્જિનિયર હતાં. રવિવારે આરકેની તબીયત અચાનક જ ખરાબ થઈ હતી. તેમણે ડોક્ટર સાથે પણ વાત કરી હતી. ડોક્ટરે તેમને સુગર ચેક કરાવવાનું કહ્યું હતું. આ પછી રિપોર્ટમાં સુગર લો આવી હતી અને ડોક્ટરે તેમને તત્કાલ મીઠાઈ ખાવાનું જણાવ્યું હતું.પોલીસને કહ્યું – ‘તમને હસવું આવશે પણ….’આરકે કેસરવાનીના ઘર પર મીઠાઈ નહોતી. આ માટે તેમણે હઝરતગંજના ઈન્સ્પેક્ટરના મોબાઈલ પર ફોન કર્યો. વૃદ્ધે કહ્યું હતું કે તેમનું સુગર લો થયું છે. જોકે, તેમણે એ પણ ઉમેર્યું હતું કે તેમની માગણી પર હસવું આવશે પરંતુ જો તેને રસગુલ્લા મળી જાય તો તેમના પર મોટો ઉપકાર રહેશે.દુકાનમાંથી ખરીદી, આપ્યા રસગુલ્લાઆ સાંભળીને હઝરતગંજના ઈન્સ્પેક્ટર સંતોષ સિંહે મદદ કરવાનું આશ્વાસન આપ્યું. તેઓ પોતે જ દુકાનમાંથી રસગુલ્લા ખરીદીને કસમંડા હાઉસ પહોંચ્યા હતાં અને વૃદ્ધને પોતાના હાથેથી જ રસગુલ્લા ખવડાવ્યાં હતાં. આ પછી વૃદ્ધ ખુશખુશાલ થયાં હતાં. જેનો વિડીયો પણ સોશિયલ મીડિયામાં વાઈરલ થયો છે.

લૉકડાઉનમાં હાઈવે પર ચાલી રહેલા ભૂખ્યા બાળકને ખાવાનું આપ્યું તો બોલ્યો- મા ખાવાનું મળી ગયું