મહારાષ્ટ્ર: 'મોટાભાઈ'નું સ્વાગત કરવા પહોંચ્યા ઉદ્ધવ

પુના: મહારાષ્ટ્રમાં રાજકીય સમીકરણ સંપૂર્ણ રીતે બદલાઈ ગયા છે. લાંબા સમય સુધી ભારતીય જનતા પાર્ટી (ભાજપ)ની સહયોગી રહેલી પાર્ટી હવે કોંગ્રેસ અને એનસીપીની સહયોગી બની ચૂકી છે. મહારાષ્ટ્રમાં એનસીપી, કોંગ્રેસ અને શિવસેનાની સરકાર બન્યા બાદ વડાપ્રધાન નરેન્દ્ર મોદી પહેલી વખત શુક્રવારે મહારાષ્ટ્ર પહોંચ્યા. આ પ્રસંગે સીએમ ઉદ્ધવ ઠાકરેએ એરપોર્ટ પર પીએમ મોદીનું સ્વાગત કર્યું. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: https://t.me/iamgujaratofficial ઉલ્લેખનીય છે કે, મુખ્યમંત્રી બન્યા બાદ પણ ઉદ્ધવ ઠાકરેએ વડાપ્રધાન મોદીને પોતાના મોટાભાઈ જણાવ્યા હતા. ઉદ્ધવ ઠાકરેએ એમ પણ કહ્યું હતું કે, તેઓ પીએમ મોદીને મળવા જશે. આ પ્રસંગે વડાપ્રધાન મોદીની સાથે કેન્દ્રીય ગૃહમંત્રી અમિત શાહ, રાજ્યપાલ ભગત સિંહ કોશ્યારી અને પૂર્વ સીએમ અને હવે વિપક્ષના નેતા દેવેન્દ્ર ફડણવીસ પણ ઉપસ્થિત હતા. પુણેમાં પીએમ મોદી સીએમ બન્યા બાદ ઉદ્ધવ ઠાકરેની વડાપ્રધાન મોદી સાથે આ પહેલી મુલાકાત હતી. ઉદ્ધવ ઠાકરેએ સીએમ પદ માટે આયોજિત શપથ ગ્રહણ સમારંભમાં સામેલ થવા માટે પીએમ મોદીને પણ આમંત્રણ આપ્યું હતું, પરંતુ તેઓ આવી શક્યા ન હતા. ઉલ્લેખનીય છે કે, વડાપ્રધાન નરેન્દ્ર મોદી પુણેમાં 6થી 8 ડિસેમ્બર સુધી ચાલનારી રાષ્ટ્રીય પોલીસ મહાસંચાલક સેમિનારમાં ભાગ લેવા પહોંચ્યા છે. ત્રણ દિવસના સંમેલનમાં રાજ્ય પોલીસ ફોર્સ, કેન્દ્રીય તપાસ એજન્સીઓ અને કેન્દ્રીય સશસ્ત્ર પોલીસ ફોર્સના ઉચ્ચ અધિકારીઓ ભાગ લઈ લેશે અને આંતરિક સુરક્ષા સંબધી વિષયો પર ચર્ચા કરશે. સંમેલન પુણેના પાષાણ ક્ષેત્રમાં સ્થિત IISIRના પ્રાંગણમાં આયોજિત થઈ રહ્યું છે. એક વરિષ્ઠ પોલીસ અધિકારીએ કહ્યું કે, ‘ગૃહ મંત્રાલય દર વર્ષ આ સંમેલન આયોજિત કરે છે. પહેલા આયોજન દિલ્હીમાં થયું હતું, પરંતુ નરેન્દ્ર મોદી વડાપ્રધાન બન્યા બાદ દર વર્ષે અલગ-અલગ શહેરોમાં સંમેલન આયોજિત થાય છે.’ ગત વર્ષે આ સંમેલન ગુજરાતના કેવડિયામાં સ્ટેચ્યૂ ઓફ યુનિટી ખાતે આયોજિત થયું હતું.