મહારાષ્ટ્રના રાજકીય દંગલમાં શાહ નહીં પવાર સાબિત થયા 'ચાણક્ય'!

રાષ્ટ્રવાદી કોંગ્રેસ પાર્ટી (NCP)ના અધ્યક્ષ શરદ પવારે મહારાષ્ટ્રના રાજકીય દંગલમાં એવો ખેલ ખેલ્યો છે જેના કારણે તેઓ ભાજપના ‘ચાણક્ય’ મનાતા અમિત શાહ સામે ભારે પડ્યા છે. 76 વર્ષના કદ્દાવર નેતાએ એવો ખેલ ખેલ્યો જે ભાજપ માટે ભારે પડી ગયો અને તેમાં ભત્રિજાની ‘ઘર વાપસી’ સાથે ભાજપે ત્રણ દિવસમાં જ સરકાર ગુમાવવી પડી. જ્યારે મંગળવારે ગઠબંધનના નેતા ઉદ્ધવ ઠાકરેને પસંદ કરાઈ રહ્યા હતા ત્યારે હોટલની બહાર એકઠા થયેલા સમર્થકોએ ‘મહારાષ્ટ્રમાં એક ટાઈગર, શરદ પવાર’ના નારા લાગી રહ્યા હતા.NCP ચીફ શરદ પવારે ભત્રિજાની કરાવી ‘ઘર વાપસી’ભાજપને ઝાટકો, રાજ્યમાં ઠાકરે સરકારમહારાષ્ટ્રમાં ચાલી રહેલા રાજકીય દંગલમાં શિવસેનાએ કબજો હાંસલ કરી લીધો છે. હવે આજે ફ્લોર ટેસ્ટ બાદ શિવસેનાના ઉદ્ધવ ઠાકરેને મહારાષ્ટ્રના મુખ્યમંત્રી તરીકે પસંદ કરવામાં આવશે. પવાર અસ્તિત્વની લડાઈ લડીને NCPને મજબૂત સ્થિતિમાં લઈ આવ્યા છે. ભત્રિજાએ પરિવાર સાથે વિદ્રોહ કરીને ભાજપ સાથે 23 નવેમ્બરે સરકાર બનાવી હતી, પરંતુ તે લાંબું ટક્યું નહીં અને શરદ પવારની જીત થઈ છે.ઉદ્ધવ ઠાકરે સાથે NCP અધ્યક્ષ શરદ પવાર80 કલાકમાં ભાજપનું સપનું રોળી નાખ્યુંપવારની રણનીતિનું આ પરિણામ હતું કે ભાજપ સરકારનું અસ્તિત્વ 80 કલાક સુધી જ ટકી શક્યું. પવારે પારિવારિક દબાણ વધારીને ભત્રિજાને ઘરે લઈ આવવામાં સફળ થવાની સાથે DyCM તરીકે રાજીનામું અપાવવામાં પણ સફળ થયા. જોકે, પવારે રાજીનામાનું કારણ અંગત ગણાવ્યું છે. ભાજપમાં હડકંપ મચી ગયો છે. બીજી તરફ ફ્લોર ટેસ્ટ પર સુપ્રીમ કોર્ટના ચુકાદો આવ્યા બાદ ભાજપનું કેન્દ્રીય નેતૃત્વ એક્ટિવ થઈ ગયું હતું. બહુમતી ના મળતી જોઈને ભાજપે ફડણવીસનું રાજીનામાનો વિચાર વધારે બહેતર સમજ્યો.52 વર્ષના કરિયરમાં ત્રણવાર બન્યા CMશરદ પવાર પોતાના 52 વર્ષના રાજકીય કરિયરમાં સંરક્ષણ મંત્રી, લોકસભામાં નેતા પ્રતિપક્ષ અને ત્રણ વખત મહારાષ્ટ્રના મુખ્યમંત્રી બન્યા છે. પવાર 7-7 વખત મહારાષ્ટ્રના વિધાનસભા અને લોકસભામાં ચુંટાયા છે. તેઓ 27 વર્ષની ઉંમરમાં પહેલી વખત ધારાસભ્ય બન્યા હતા અને 38 વર્ષની ઉંમરમાં કોંગ્રેસની સરકાર પાડી દીધી હતી.