Man Electrocuted While Talking On Phone And Phone Was In Charging
વાત ચાલુ હતી અને એકાએક સળગી ઉઠ્યો મોબાઈલ, દિવ્યાંગનું મોત
I am Gujarat1 Aug 2018, 9:45 am
એકાએક લાગી આગ
પ્રતિકાત્મક તસવીર વિજયવાડા: આંધ્રપ્રદેશના પ્રકાશમ જિલ્લામાં મોબાઈલ પર વાતચીત દરમિયાન એક વ્યક્તિનું મોત થયું છે. પ્રાપ્ત જાણકારી અનુસાર વાતચીત દરમિયાન મોબાઈલ ચાર્જિંગમાં મુકેલો હતો અને એકાએક વોલ્ટેજ વધવાને કારણે મોબાઈલમાં આગ લાગી ગઈ અને વ્યક્તિ તેની ચપેટમાં આવી ગયો.
ઘરમાં એકલો રહેતો હતો
પ્રતિકાત્મક તસવીર પોલીસના જણાવ્યા અનુસાર ઘટના પ્રકાશમ જિલ્લાના વાગુપલ્લી ગામની છે. મૃતકની ઓળખ 31 વર્ષીય ચાંગુ મસ્તાન રેડ્ડી તરીકે કરવામાં આવી છે. તે દિવ્યાંગ હતા અને ઘરમાં એકલા રહેતા હતા.
પાડોશી લઈ ગયા હોસ્પિટલ
પ્રતિકાત્મક તસવીર પોલીસના જણાવ્યા અનુસાર સોમવારે મોડી રાતે વીજળીના તાર સળગ્યા હોય તેવી દુર્ગંધ આવી રહી હતી. ત્યારપછી પાડોશીઓએ તપાસ શરુ કરી તો તેમણે રેડ્ડીને ઘરમાં જમીન પર બેભાન અવસ્થામાં સુતેલા જોયા. પાડોશી તેમને લઈને હોસ્પિટલ ભાગ્યા, જ્યાં ડોક્ટર્સે તેમને મૃત જાહેર કર્યા. એક પોલીસ અધિકારીના જણાવ્યા અનુસાર, મસ્તાન રેડ્ડીને દિવ્યાંગ ક્વૉટાથી રાજ્ય સરકાર તરફથી 1000 રુપિયા માસિક પેન્શન મળતુ હતું. જેનાથી તેનું ગુજરાન ચાલતુ હતુ.
વોલ્ટેજ વધ્યો?
પ્રતિકાત્મક તસવીર પોલીસે જણાવ્યું કે, મોબાઈલ ફોન સંપૂર્ણપણે સળગી ગયો હોવાને કારણે કંપની માટે તપાસ કરવી મુશ્કેલ છે કે કારણ શું છે. જો કે પોલીસનું માનવું છે કે એકાએક વોલ્ટેજ વધવાને કારણે શોર્ટ સર્કિટ થયું છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.