લગ્નમાં વરસાદનું વિઘ્ન, વરરાજાએ મગાવ્યું હેલિકોપ્ટર

ભોપાલ: નિતેશ જૈનના લગ્ન શિવપુરીમાં થવાના હતા, પરંતુ વાતાવરણ ખરાબ હતું. વરસાદ રોકાવાનું નામ નહોતો લઈ રહ્યો. તેવામાં લગ્નનું મૂર્હુત નીકળી ન જાય તે માટે નિતેશે ગ્વાલિયરથી એક હેલિકોપ્ટર જ ભાડે મગાવી લીધું.

પોતાના પરિવારના ચાર લોકોને સાથે લઈ જ્યારે નિતેશ ચોપરથી શિવપુરી પહોંચ્યો તો જોરદાર વરસાદ થઈ રહ્યો હતો. ભીતરવાડમાં એક સ્કૂલના માલિક નિતેશને જ્યારે ખબર પડી કે વરસાદને કારણે જાન સમયસર નહીં જઈ શકે ત્યારે તેણે બસ કે કાર પર મદાર રાખવાને બદલે સીધું હેલિકોપ્ટર જ ભાડે કરી લેવાનો વિકલ્પ બહેતર લાગ્યો હતો.

નિતેશની પત્નીનો પરિવાર લુકવાસામાં રહે છે, પરંતુ લગ્ન શિવપુરીમાં થયા. નિતેશ હેલિકોપ્ટર લઈને પહોંચતા તેના સાસરિયા પણ ખુશ થઈ ગયા હતા. તેની પત્ની પૂજા તો એટલી ખુશ થઈ ગઈ હતી કે તેણે લગ્ન બાદ જણાવ્યું હતું કે તે આ ઘટનાને આખી જિંદગી નહીં ભૂલે.