એપશહેર

ગજબનો ગઠિયો! 50 યુવતીઓને ફસાવી ઠગી લીધી

I am Gujarat 21 Jul 2016, 5:22 pm
વી. નારાયણી, મુંબઈ: લગ્નનનું વચન આપીને 50 જેટલી મહિલાઓનું લાખો રુપિયાનું ફુલેકું ફેરવી નાખનારો એક ગઠિયો મુંબઈ પોલીસને હાથે ઝડપાયો છે. રાહુલ પાટિલ નામનો 32 વર્ષનો આ ઠગ મહિલાઓને મેટ્રિમોનિયલ વેબસાઈટ દ્વારા મળતો હતો અને તેમને ફોસવાલી તેમની સાથે શારીરિક સંબંધ પણ બાંધી લેતો હતો.
I am Gujarat man proposes marriage dupes 50 women of lakhs
ગજબનો ગઠિયો! 50 યુવતીઓને ફસાવી ઠગી લીધી


રાહુલ જોકે, 26 વર્ષની એક એન્જિનિયરને પનવેલમાં આવેલા રિસોર્ટમાં પોતાની પ્રેમજાળમાં ફસાવે તે પહેલા જ પોલીસે તેને ઝડપી લીધો હતો. રાહુલની કરતૂતનો ભોગ બનનારી 30 વર્ષની એક નર્સે તેની સામે ફરિયાદ નોંધવી હતી. રાહુલ આ નર્સને શિરડી દર્શન કરવાના બહાને લઈ ગયો હતો અને ત્યાં જઈ તેણે તેના પર કથિત રેપ કર્યો હતો. આ પ્રકરણ બહાર આવતા રાહુલ સામે સતારા, કોલ્હાપુર, થાણે અને મુંબઈના જુદા-જુદાપ પોલીસ સ્ટેશનમાં 25 જેટલી મહિલાઓએ ફરિયાદ દાખલ કરાવી છે.

કઈ રીતે કરતો હતો ઠગાઈ

રાહુલે તેની સામે ફરિયાદ કરનારી નર્સને મેટ્રિમોનિયલ વેબસાઈટ દ્વારા પોતાની જાળમાં ફસાવી હતી. રાહુલે આ સાઈટ પર પોતે બી.ટેક હોવાનું જણાવ્યું હતું અને તેનો પગાર 22 લાખ રુપિયા હોવાનું કહ્યું હતું. એટલું જ નહીં, પોતે એક મલ્ટિનેશનલ કંપનીમાં ઉંચો હોદ્દો ધરાવે છે અને મહાબળેશ્વરમાં 50 એકર જમીન તેમજ ગીરગાંવમાં 4 બીએચકે ફ્લેટ ધરાવે છે તેવું પણ કહ્યું હતું. રાહુલે આ યુવતીના માતાપિતા સાથે પણ મુલાકાત કરીને તેને પોતાની પ્રેમજાળમાં ફસાવી લીધી હતી.

જોકે, તે આ યુવતીને શિરડી લઈ ગયો અને ત્યાં તેના પર તેણે કથિત રેપ કર્યો ત્યારબાદ તેણે પોતાનું પોત પ્રકાશ્યું હતું. પીડિતાએ કરેલી ફરિયાદ અનુસાર, રાહુલ તેની પાસેથી એટીએમ લઈ ગયો હતો અને તેમાંથી તેણે દોઢ લાખ રુપિયા ઉપાડી લીધા હતા. અને ત્યારબાદ તેણે તેના ફોન રિસિવ કરવાનું બંધ કરી દીધું હતું.

કઈ રીતે પકડાયો?

આ દરમિયાન જ પોલીસને જાણવા મળ્યું હતું કે રાહુલ પનવેલના એક રિસોર્ટમાં એક યુવતીને પોતાની શિકાર બનાવી રહ્યો છે. પોલીસે તેને ત્યાં જ ઝડપી લીધો હતો. રાહુલ મોટા ભાગે ડિવોર્સી યુવતીઓને જ પોતાની શિકાર બનાવતો. તેના પર રેપ, વિશ્વાસઘાત, ઠગાઈ સહિતની વિવિધ કલમો હેઠળ કેસ કરવામાં આવ્યો છે.

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો