મોતનો અનુભવ કેવો હોય તેનો TikTok વિડીયો બનાવવામાં યુવકે જીવ ગુમાવ્યો

બેંગલુરુંઃ સોશિયલ મીડિયાનો વધુ પડતો ઉપયોગ ક્યારેક જીવ પણ લઈ શકે છે. આવી જ એક ઘટના શનિવારે તુમાકુરુ જિલ્લાના કોરાટાગરે તાલુકામાં બની. એક 24 વર્ષીય યુવક ટિકટોક પર મોતનો અનુભવ કેવો થાય તે રેકોર્ડ કરી રહ્યો હતો જેમાં તેનું મોત નિપજ્યું.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરોશનિવારે સાંજે ધનંજયે નજીકમાં આવેલી દુકાન પરથી પેસ્ટિસાઈડ ખરીદી અને ટિકટોક પર 15 સેકન્ડનો વિડીયો બનાવ્યો. જેમાં તે કહી રહ્યો છે, ‘હું અનુભવવા માગુ છું કે મોત કેવી હોય છે. જેથી હું મારી જાતને મારવાનો પ્રયત્ન કરું છું’આ ઘટનાની જાણ થતા સ્થાનિકો દોડી આવ્યા અને ધનંજયને નજીકની હોસ્પિટલમાં સારવાર માટે લઈ ગયા. જ્યાં તેનું સારવાર બાદ બીજા દિવસે સવારે મોત થયું. પોલીસે અકસ્માત મોતનો ગુનો નોંધી વધુ તપાસ હાથ ધરી છે.પોલીસના જણાવ્યા અનુસાર ધનંજયના ટિકટોક પર 431 ફોલોઅર્સ છે. આ પહેલા પણ તે પોતાના બાઈક પર સ્ટંટ કરીને ‘મોતનો અનુભવ’ કરવાનો ટ્રાય કર્યો હતો જોકે તે સમયે તેને સામાન્ય ઈજા પહોંચી હતી. આ ઘટના બાદ ગ્રામજનો અને પરિવારના લોકોએ તેને આવું ન કરવા માટે સમજાવ્યો. તેમ છતાં તે ટિકટોક પર મોત અંગેના પોતાના અભિપ્રાય વ્યક્ત કરતો રહેતો હતો.ગ્રામજનોનું કહેવું છે કે ચાર મહિના પહેલા તેની સગાઈ કરવામાં આવી હતી. તે ભાડા પર રિક્ષા ચલાવતો હતો. લોકડાઉન દરમિયાન તેની આવક બંધ થઈ હતી અને તે માનસિક રીતે ડિસ્ટર્બ થઈ ગયો હતો.