જેસલમેરઃ હોલિવૂડ ફિલ્મ્સમાં બતાવે છે તેવું જ રેતીનું તોફાન, ધોળેદહાડે છવાયું અંધારુ

જેસલમેરઃ રાજસ્થાનના જેસલમેર વિસ્તારમાં બુધવારે રેતીના તોફાનના કારણે ધોળેદહાડે અંધારુ છવાઈ ગયું હતું. ગ્રામીણ વિસ્તારોમાં આંધી પછી આકાશમાં છવાયેલા રેતીના વાદળોએ જોતજોતામાં સમગ્ર વિસ્તારને બાનમાં લીધો હોય એવું દ્રશ્ય છવાયું હતું. જેનો વિડીયો પણ સોશિયલ મીડિયામાં છવાયો છે.

વરસાદની જોતા હતા રાહ
વરસાદની આતૂરતાપૂર્વક રાહ જોઈ રહેલા લોકોને પહેલા ઝડપી હવાઓના કારણે વરસાદની આશા હતી પરંતુ ઝડપી પવન ફૂંકાવાનો શરુ થયા પછી આકાશમાં રેતીનું તોફાન ચડી આવ્યું. વાદળો તરફ આગળ વધતું તોફાન જોતજોતામાં સમગ્ર આકાશમાં છવાઈ ગયું અને થોડી જ મિનિટોમાં શહેરને પણ પોતાની ઝપેટમાં લઈ લીધું


ચોમાસુ સક્રિય, ત્રણ દિવસ સુધી વરસાદની શક્યતા
નોંધનીય છે કે બુધવારથી જ આ વિસ્તારમાં ચોમાસુ સક્રિય થવાનું અને આવતા ત્રણ દિવસ સુધી વરસાદની શક્યતા છે. હવામાન વિભાગ અનુસાર ક્યાંક ભારે તો ક્યાંક હળવો વરસાદ થશે. પશ્ચિમી રાજસ્થાનમાં ફરીથી ચોમાસુ સક્રિય થવાની શક્યતા છે. આ કારણે જ હવામાન વિભાગે 5 અને 7 ઓગસ્ટના રોજ જોધપુર વિસ્તારમાં પણ વરસાદ થવાની શક્યતા વ્યક્ત કરી છે.

પારો 29.8 સેલ્સિયસ પહોંચ્યો
હવામાન વિભાગ અનુસાર પૂર્વી રાજસ્થાનના અનેક જિલ્લાઓમાં 3-4 દિવસ વરસાદ થવાની શક્યતા છે. જ્યારે મંગળવારે, બુધવારે પણ આ વિસ્તારમાં બફારો રહ્યો હતો. પૂર્વી અને પશ્ચિમી રાજસ્થાનમાં છેલ્લા કેટલાય દિવસોથી રાતના તાપમાનમાં પણ વધારો થતો જઈ રહ્યો છે.