Meet Elavarasi Jayakanth She Rebuild Her Business With 100 Rupess
ચોરીમાં બધું જ ગુમાવ્યું, મહિલાએ 100 રુપિયામાં ફરીથી ઉભું કર્યું 'સામ્રાજ્ય'
શૂન્યમાંથી સર્જન બધું જ ગુમાવવાનો પડકાર હોવા છતાં પણ મહિલાએ પોતાનું સામ્રાજ્ય ફરી ઉભું કર્યું હતું
I am Gujarat15 Jan 2021, 9:03 pm
તામિલનાડુઃ જ્યારે આપણે બધું જ મહેનતથી બનાવીએ છીએ અને એક જ ઝટકે કોઈ સામાન ચોરી કરી જાય તો દિલમાં ખૂબ જ ખરાબ લાગે છે અને નિરાશા પણ હાથ લાગે છે. જોકે, આપણે તો કાળા માથાના માનવી છીએ અને કેટલાક તો જલદીથી હાર માની લે તેવા પણ નથી હોતાં અને તેઓ સંજોગો સામેનો પડકાર ઝીલીને ફિનિક્સ પક્ષીની જેમ ફરી રાખમાંથી બેઠા થાય તેવા હોય છે. તામિલનાડુંના Elavarasi Jayakanth પણ એવા જ એક મહિલા છે.
I am Gujaratચોરીમાં બધું જ ગુમાવ્યું, મહિલાએ 100 રુપિયામાં ફરીથી ઉભું કર્યું 'સામ્રાજ્ય'
શૂન્યમાંથી સર્જનની કળા આજે અમે પણ તમારી સામે એવી જ એક સ્ટોરી લાવ્યા છીએ જેમાં બધું જ ગુમાવવાનો પડકાર હોવા છતાં પણ મહિલાએ પોતાનું સામ્રાજ્ય ફરી ઉભું કર્યું હતું. તામિલનાડુના Elavarasi Jayakanth હાલ કેરળના થ્રિસૂરમાં રહે છે. aswathyhotchips અનુસાર તેમનો પરિવાર 45 વર્ષ પહેલા મદુરાઈથી થ્રિસૂર શિફ્ટ થયો હતો. જ્યાં ફરી શૂન્યમાંથી સર્જન કરવાની સ્ટોરી ઘણી જ રસપ્રદ છે.
મીઠાઈનો હતો બિઝનેસ તેમના પરિવારને ત્યાં મીઠાઈ બનાવવાનું કામ હતું. અભ્યાસ પૂરો કર્યા પછી Elavarasiના પણ લગ્ન થઈ ગયા અને તે પોતાના પરિવારે કંડારેલી કેડી પર ચાલવાનું કામ કર્યુ હતું. તેમણે પણ મીઠાઈ બનાવવાનું કામ શરુ કર્યુ હતું. તેમણે પોતાના પરિવાર પાસેથી જ આ રસોઈકળા શીખી અને તેને લોકલ સ્ટોર્સમાં વેચવાનું શરુ કર્યુ હતું.
વર્ષ 2011માં થઈ હતી ચોરી ધ બેટર ઈન્ડિયાના જણાવ્યાનુસાર, તેમણે પોતાના પરિવારની સલાહ લઈને સમગ્ર બચત ભેગી કરીને 50 લાખ રુપિયાની લોન લીધી હતી. જેમાંથી તેમણે વર્ષ 2010માં એક સુપરમાર્કેટ સ્ટોર ખોલ્યું હતું. ત્યાં સુધી કે 50 લોકો તેની પાસે કામ પણ કરતા હતાં. જોકે, 2011માં તેમના સ્ટોરમાં ચોરી થઈ અને તેમણે બધું જ ગુમાવ્યુ હતું.
ફરી 100 રુપિયાથી શરુ કર્યો બિઝનેસ જોકે, તેમના પર આવી પડેલી આ આફતથી પણ તેઓ તૂટ્યા નહોતા અને તેઓ આ મુશ્કેલી સામે લડ્યાં અને ફરીથી પોતાનું સામ્રાજ્ય વસાવ્યુ હતું. તેમણે Aswathi Hot Chips નામથી બિઝનેસ શરુ કર્યો અને આ બિઝનેસ તેણે 100 રુપિયાથી શરુ કર્યો હતો. આજે થ્રિસૂરમાં તેમના ચાર આઉટલેટ છે. જ્યાં અલગ-અલગ પ્રકારના અથાણાં અને કેક મળે છે. વર્ષ 2019માં તેમની મહેનત અને લગનને જોતાં તેમને International Peace Council UAE Award ‘Best Entrepreneur’ના એવોર્ડથી સન્માનિત પણ કરવામાં આવ્યા હતાં. Images Source: aswathyhotchips
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.