5 ઓગસ્ટ, 1940એ ઉડાડ્યું હતું પહેલું વિમાન
મજેઠિયાએ 1 ઓગસ્ટ, 1940એ ભારતીય વાયુસેના જોઈન કરી હતી. પહેલી વખત 5 ઓગસ્ટ, 1940એ વાયુસેનાનું પ્લેન ઉડાડ્યું હતું. મજેઠિયા લાહોર એરફીલ્ડથી ટાઈગર મોથ એરક્રાફ્ટમાં ઉડાન ભરી હતી. તેઓ ટ્રેનિંગ લઈ રહ્યા હોવાથી તેમની સાથે બે બ્રિટિશ ઈન્સ્ટ્રક્ટર પણ હતા. મજેઠિયાએ 22 ઓગસ્ટ, 1940એ પહેલી વખત વાયુસેનાનું વિમાન એકલા હાથે ઉડાડ્યું હતું.
ઘણા વિમાનો ચલાવ્યા
મજેઠિયાએ હરિકેન ઉપરાંત વેસ્ટલેન્ડ વાપિતી આઈઆઈએ, હોકર ઓડેક્સ અને હાર્ટ જેવા વિમાન પણ ઉડાડ્યા છે. તેમને પહેલા કોસ્ટ ગાર્ડના વિમાનો ઉડાડવાની જવાબદારી સોંપવામાં આવી હતી. તેઓ બંગાળની ખાડી ઉપર નજર રાખતા હતા. બાદમાં તેમને નંબર 6 સ્ક્વોડ્રનમાં સામેલ કરી દેવાયા હતા.
લિજેન્ડ્રી હોકર હરિકેન પણ ઉડાડી ચૂક્યા છે
નંબર 6 સ્ક્વોડ્રનમાં એ સમયે સૌથી જાણીતું વિમાન હરિકેન ઉડાડવાની તક મળી. હરિકેન પહેલું એવું ફાઈટર પ્લેન હતું, જે પ્રતિ કલાક 300 કિમી કરતા વધુ ઝડપથી ઉડી શકતું હતું. હરિકેન ફાઈટર એરક્રાફ્ટના ઘણા પ્રકાર હતા. 1942થી 1944 વચ્ચે ભારતીય વાયુસેનાને જ 300 પ્રકારના હરિકેન આપવામાં આવ્યા હતા. દલીપ સિંહ મજેઠિયાએ બીજા વિશ્વયુદ્ધ દરમિયાન હરિકેન એરક્રાફ્ટ ઉડાડ્યું હતું. બર્મા ફ્રન્ટ પર તેમની ટીમની આગેવાની બાબા મેહર સિંહ કરી રહ્યા હતા, જેમણે બીજા યુદ્ધ બાદ ડિસ્ટિંગ્વિશ્ડ સર્વિસ ઓર્ડરથી સન્માનિત કરવામાં આવ્યા હતા. 1947-48માં પાકિસ્તાન સામેના યુદ્ધમાં બાબા મેહર સિંહને વીર ચક્રથી સન્માનિત કરાયા હતા.
બ્રિટિશ મહિલા સાથે લગ્ન
જાપાનના સરેન્ડર બાદ બીજું વિશ્વયુદ્ધ પૂરું થઈ ગયું અને મેજેઠિયાને બ્રિટિશ કોમનવેલ્થ ઓક્યુપેશન ફોર્સિઝ (BCOF)ના માટે પસંદ કરાયા. તેમને મેલબોર્ન સ્થિતિ BCOF હેડક્વાર્ટર મોકલી દેવાયા. ત્યાં તેમની મુલાકાત જોન સેન્ડર્સ સાથે થઈ, જેમના પિતા બ્રિટિશ ઈન્ડિયન આર્મીમાં હતા. 18, ફેબ્રુઆરીએ દલીપ સિંહ મજેઠિયાએ ઉત્તર પ્રદેશના ગોરખપુરમાં જોન સેન્ડર્સ સાથએ લગ્ન કરી લીધા.