પ્લોટ ખરીદવા નીકળ્યો હતો યુવક, 3 લાખ ભરેલી બેગ વાંદરો લઈને ભાગી ગયો

હરદોઈઃ યૂપીના હરદોઈ જિલ્લાના સાંડી પોલીસ સ્ટેશન બહાર એક અજીબોગરીબ કિસ્સો બન્યો. પોલીસ સ્ટેશન બહાર ઊભેલી બાઈકની ડેકીમાંથી વાંદરો 3 લાખ રૂપિયા ભરેલી બેગ લઈને ફરાર થઈ ગયો અને પછી એક ઝાડ પર જઈને બેસી ગયો. ત્યારે પોલીસ સ્ટેશનમાં તૈનાત હોમગાર્ડના જવાને ભારે જહેમત બાદ વાંદરા પાસેથી રૂપિયા ભરેલી બેગ પાછી મેળવી અને માલિકને સોંપી. જે વ્યક્તિ સાથે આ ઘટના થઈ તે જમીનની ખરીદી કરવા માટે ઘરેથી રૂપિયા લઈને નીકળ્યો હતો. ત્યારે તે પોલીસ સ્ટેશન બહાર ઉભો હતો અને વાંદરો મોટો દાવ કરી ગયો.
એક બસ દિવાલે અથડાઈ, બીજી પલટી જતા 40 યાત્રાળુઓને ઈજા
પ્લોટ ખરીદવા નીકળ્યો હતો યુવક
આ ઘટના સાંડી પોલીસ સ્ટેશનની બહારની જ છે. પોલીસ સ્ટેશન હેઠળ આવતા બમટાપુર ગામમાં રહેતા આશિષે હરદોઈમાં એક પ્લોટ ખરીદ્યો હતો. આ જમીનના પેમેન્ટ માટે આશિષ 3 લાખ રૂપિયા લઈને પોતાના ઘરેથી નીકળ્યો હતો. જ્યારે તે પોલીસ સ્ટેશનમાં પહોંચ્યો તો તેણે રૂપિયા ભરેલી બેગ બાઈકની ડેકીમાં મુકી હતી. આ દરમિયાન એક વાંદરાઓનું ઝૂંડ આવી પહોંચ્યુ અને તેના બાઈક પર જઈને બેઠુ. એમાંથી કેટલાંક વાંદરાએ પૈસા ભરેલી બેગ બહાર કાઢી. એક વાંદરો આ રૂપિયા ભરેલી બેગ લઈને ઝાડ પર ચઢી ગયો.
રિવરફ્રન્ટ પર યુવતીઓને એક્ટિવા ઊભું રાખવા ઈશારો કર્યો, ના પાડતા ચાવી ખેંચી લીધી!
લોકોની પૂછપરછ બાદ રૂપિયા સોંપ્યા
વાંદરો રૂપિયા ભરેલી બેગ લઈને ભાગી રહ્યો હતો. એ સમયે પોલીસ સ્ટેશનમાં ફરજ બજાવતા અખિલેન્દ્ર અને વિકાસે વાંદરાનો પીછો કર્યો. ભારે જહેમત બાદ આ હોમગાર્ડના જવાનો રૂપિયા ભરેલી બેગ પાછી મેળવવામાં સફળ રહ્યાં. બાદમાં આ રૂપિયાની બેગ લઈને પોલીસ સ્ટેશન પહોંચ્યા અને માલિકને રૂપિયા પરત કર્યા. આખરે રૂપિયા મળતા માલિકના ચહેરા પર ખુશી આવી.