7 બાળકો, 7 દોહિત્રોવાળી મહિલાને 22 વર્ષના યુવક સાથે થઈ ગયો પ્રેમ!

અનિલ શર્મા, આગરા : ઉત્તર પ્રદેશના આગરાના પોલીસ સ્ટેશનમાં એક હાઈ વોલ્ટેજ ડ્રામા ણા કલાકો સુધી ચાલ્યો. દંગ કરી દેનારા આ કિસ્સામાં પાંચ દોહિત્ર અને 2 દોહિત્રીઓની દાદી એક મહિલા પોતાના દીકરાની ઉંમરના એક યુવક સાથે પ્રેમ કરી બેઠી. બંને લગ્ન કરવાની જિદ કરવા લાગ્યા. ત્રસ્ત થઈને પતિ અને પુત્ર, મહિલા તથા યુવકને લઈને પોલીસ સ્ટેશન પહોંચ્યા. સ્ટેશનમાં જમાવડો લાગ્યો. અચરજ પામેલી પોલીસને પણ કંઈ ન સૂઝ્યું તો તેમણે યુવક વિરુદ્ધ શાંતિભંગનું ચલાણ ફાડ્યું અને મહિલાને સમજાવીને ઘર મોકલી દીધી. શહેરમાં આ લવસ્ટોરી ચર્ચાનો વિષય બની ગઈ છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો મહિલાના પાંચ દોહિત્ર, 2 દોહિત્રી આગરાના એત્માદ્દોલા વિસ્તારની રહેનારી એક 48 વર્ષીય મહિલાના ચાર પુત્ર અને 3 પુત્રીઓ છે. ત્રણ પુત્ર અને એક પુત્રીના લગ્ન પણ થઈ ચૂક્યા છે, જેમનાથી કુલ 7 દોહિત્રો છે. બે વર્ષ પહેલા પડોશમાં રહેનારા 22 વર્ષના યુવક સાથે તેમને પ્રેમ થઈ ગયો. પતિ અને બાળકોને પણ આ વિશે ખબર પડી ગઈ. હવે બંને લગ્ન કરવાની જિદ પકડીને બેઠાં હતા. વિરોધ કરાતા બંનેએ આત્મહત્યા કરી પરિવારજનોને ફસાવવાની ધમકી આપી દીધી. મહિલાના પતિ અને પુત્ર તેને અને પાડોશી યુવકને પોલીસ પાસે લઈને ગયા. ત્યાં પણ બંને લગ્નની જિદ કરી રહ્યાં હતા. ઈન્સ્પેક્ટર ઉદયવીર સિંહે તેમને સમજાવ્યા પણ તે માનવા માટે તૈયાર નહોતા. ત્યારબાદ પોલીસે યુવક વિરુદ્ધ શાંતિભંગની કાર્યવાહી કરી. મહિલાને ખૂબ મુશ્કેલી બાદ તેના પતિ અને પુત્ર સાથે ઘરે મોકલવામાં આવી. જણાવવામાં આવી રહ્યું છે કે, યુવક અને મહિલા ઘણીવાર જણાવ્યા વિના ઘરેથી ગાયબ થઈ ચૂક્યા છે. પરિવારજનો તેમની હરકતોથી કંટાળી ચૂક્યા હતા. બંનેને ઘણીવાર સમજવામાં આવ્યા પણ તેઓ આત્મહત્યાની ધમકી આપવા લાગ્યા. દીકરા પણ પોતાની માતાને સમજાવામાં નિષ્ફળ રહ્યાં. અંતે કોઈ રસ્તો ન દેખાતા તે પોલીસ સ્ટેશનમાં ફરિયાદ લઈને પહોંચ્યા હતા.