બેંગલુરુઃ કર્ણાટકની રાજધાની બેંગલુરુમાં 20 રૂપિયાની પાણીની બોટલને 40 રૂપિયામાં વેચવી મલ્ટીપ્લેક્સને મોંઘું પડ્યું. અહીંના શ્રીનગર વિસ્તારમાં રહેનારા ઓમ હેગડે ઉરાટોટાએ મલ્ટિપ્લેક્સ વિરુદ્ધ કન્ઝ્યુમર ફોરમમાં ફરિયાદ દાખલ કરાવી. આ બાદ ફોરમે મલ્ટિપ્લેક્સને ગ્રાહકને પૈસા રિફન્ડ કરવા સાથે 7 હજાર રૂપિયાનું વળતર આપવાનો પણ આદેશ આપ્યો. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: જાણકારી મુજબ, અડધો લીટર પાણીની બોટલ માટે બેંગલુરુના રોયલ મીનાક્ષી મોલમાં ઓમ પાસેથી 40 રૂપિયા માગવામાં આવ્યા. 20 રૂપિયા વધારે માગવાના કારણે તેણે આપત્તિ દર્શાવી અને મેનેજરને નોટિસ મોકલીને પૈસા પાછા આપવાની માગણી કરી. જોકે મેનેજરે ઓમની નોટિસનો કોઈ જવાબ ન આપ્યો, જે બાદ તે ગ્રાહક કોર્ટમાં પહોંચ્યો. કોર્ટે બંને પક્ષોની વાત સાંભળી. આ દરમિયાન બચાવ પક્ષના વકીલે પહેલા તો પાણીની બોટલ 40 રૂપિયામાં વેચાતી હોવાની વાતનો ઈનકાર કર્યો. આ બાદ કોર્ટે મલ્ટિપ્લેક્સને આદેશ કર્યો કે તે અરજીકર્તાના પૈસા 12 ટકા વ્યાજ સાથે પાછા કરે. આ ઉપરાંત કોર્ટે મલ્ટિપ્લેક્સ પર અરજી કર્તાને માનસિક રીતે હેરાન કરવા માટે 5 હજાર રૂપિયા અને કેસના ખર્ચ પેટે થયેલા 2 હજાર રૂપિયા 30 દિવસની અંદર આપવા માટે આદેશ કર્યો. મામલાની સુનાવણી દરમિયાન મલ્ટિપ્લેક્સના અધિકારીઓએ સરકારની પરમિશન મળવાનું કારણ આપ્યું અને કહ્યું કે તે પોતાના ગ્રાહકોને વધારે સારી સુવિધાઓ આપે છે. જોકે બાદમાં તેમનો વકીલ અડધો લીટર પાણીની બોટલના 20ની જગ્યાએ 40 રૂપિયા લીધા હોવાની વાતથી ઈનકાર કરી શક્યો નહોતો.