મુંબઈઃ 58 વર્ષના ડૉક્ટરે 27 વર્ષની મહિલાનો વાંધાજનક વિડીયો બનાવી વારંવાર બળાત્કાર કર્યો

મુંબઈઃ મુબઈમાં 58 વર્ષના ડૉક્ટરની દર્દી પર બળાત્કાર ગુજારવો અને તેને ધમકાવવાના ગુનામાં ધરપકડ કરી લેવામાં આવી છે. ડૉક્ટર દ્વારા પીડિતાનો વાંધાજનક વિડીયો બનાવ્યો હતો અને પછી તેને ધમકીઓ આપતો હતો. 27 વર્ષની મહિલા ડૉક્ટર વંશરાજ દ્વિવેદીના સંપર્કમાં 2015માં આવી હતી. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: પીડિતાએ પોલીસને જણાવ્યું કે તે 2015માં બીમારીની સારવાર માટે દ્વિવેદીના ત્યાં સારવાર માટે ગઈ હતી, આ પછી તે ક્લિનિકમાં બેભાન થઈ ગઈ હતી. આ પછી ડૉક્ટરે તેની પર કથિત રીતે બળાત્કાર ગુજાર્યો અને જ્યારે તે ઘરે પહોંચી તો તેના ફોન પર વાંધાજનક વીડિયો આવ્યો, જે ડૉક્ટરે બનાવ્યો હતો. જ્યારે પીડિતાએ ડૉક્ટર વંશરાજ પાસે વિડીયો માગ્યો તો તેણે પીડિતાને ધમકાવી અને વિડીયો વાઈરલ કરવાની ધમકી આપી હતી. આ પછી વારંવાર તેણે ક્લિનિક પર કોઈ ના હોય ત્યારે પીડિતાને બોલાવી અને તેના પર બળાત્કાર ગુજાર્યો. પીડિતાએ પાછલા વર્ષે લગ્ન કરી લીધા અને પતિના ઘરે મલાડમાં રહેવા જતી રહી. ડૉક્ટરે હાલમાં ફરી પીડિતાનો સંપર્ક કર્યો અને શારીરિક સંબંધ બનાવવા માટે દબાણ કર્યું. મહિલાએ ઈનકાર કર્યો તો તેણે વીડિયો વાઈરલ કરવાની ધમકી આપી. 3 ઓક્ટોબરના રોજ પીડિત મહિલાના પતિને જ્યારે આ વાંધાજનક વિડીયો મળ્યો તો તેણે પત્નીને પૂછ્યું તો તેણે આરોપી વિશે જણાવ્યું. આ પછી મહિલાનો પતિ તેને મેઘવાડી પોલીસ સ્ટેશન લઈ ગયો અને ડૉક્ટર વંશરાજ સામે ફરિયાદ નોંધાવી. ફરિયાદના આધારે શનિવારે પોલીસે આરોપી ડૉક્ટરની ધરપકડ કરી લીધી. કોર્ટે આરોપીને 17 ઓક્ટોબર સુધીની કસ્ટડી મંજૂર કરી છે.