મુંબઈઃ શુક્રવારે મુંબઈ એરપોર્ટ એટલું વ્યસ્ત હતું કે 24 કલાકમાં અહીંના એક જ રનવે પર કુલ 969 જેટલા પ્લેને ટેક ઓફ અને લેન્ડિંગ કર્યું હતું. આ સાથે જ મુંબઈ એરપોર્ટે એક નવો વર્લ્ડ રેકોર્ડ સ્થાપ્યો છે. મુંબઈ આંતરરાષ્ટ્રીય એરપોર્ટ લિમિટેડના પ્રવક્તાએ કહ્યું કે, આ નવા રેકોર્ડ સાથે મુંબઈના જ આ પહેલાના વર્લ્ડ રેકોર્ડને અમે તોડ્યો છે. આ પહેલા અમે 935 ફ્લાઇટનો રેકોર્ડ બનાવ્યો હતો.
બે રનવે છતા એક જ થઈ શકે છે યુઝ આ છે મજબૂરી
મેગા સિટીઝ જેવા કે ન્યુયોર્ક, લંડન, દુબઈ અને દિલ્હી સહિતના શહેરોમાં 2 અથવા તેનાથી વધુ રનવે છે અને એકસાથે કામ કરે છે. જ્યારે મુંબઈમાં રનવે તો બે છે પરંતુ બંને એકબીજને ક્રોસ કરે છે જેના કારણે કોઈપણ સમયે એક જ રનવે ઉપયોગમાં લઈ શકાય છે. જેના કારણે ટેક્નિકલી મુંબઈ એરપોર્ટ સિંગલ રનવે એરપોર્ટની કેટેગરીમાં આવે છે.
ટૂંક સમયમાં જ 1000 ફ્લાઇટનો આંકડો કરશે પારઃ ઓથોરિટી
મુંબઈ એરપોર્ટ દરરોજ 900થી વધુ વિમાનોનં સંચાલન કરે છે. એરપોર્ટ અધિકારીનું કહેવું છે કે અમે ખૂબ જ નજીકના સમયમાં 1000નો આંકડો પાર કરી જઇશું. વૈશ્વિક વિમાન કંસલ્ટન્સી સંસ્થાના સેન્ટર ફોર એશિયા પેસિફિકના અધિકારી કપિલ કૌલનું કહેવું છે કે વિશ્વમાં લંડનનું ગેટવિક એરપોર્ટ એકમાત્ર એરપોર્ટ છે જે નિયમિત રુપે પ્રતિ એક કલાકમાં 50થી વધુ વિમાનોનનું ટેકઓફ કરાવે છે. જ્યારે બીજા બધા એરપોર્ટ પર 42 અથવા તેનાથી ઓછા પ્લેનનું આવન-જાવન છે. હવે મુંબઈ પણ 50થી વધુ પ્લેનના આંકડાને પાર કરી આવું બીજુ એરપોર્ટ બન્યું છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.