મુંબઈમાં ફ્લેટની લિફ્ટમાં પાલતુ કૂતરાએ ઝોમેટો ડિલિવરી બોયના પ્રાઈવેટ પાર્ટ પર બટકું ભરી લીધું

મુંબઈ: દિલ્હી નજીકના ગાઝિયાબાદ અને નોઈડામાં પાલતુ કૂતરાના હુમલાના વિડીયો વાઈરલ થયા બાદ હવે મહારાષ્ટ્રનો એક વિડીયો સામે આવ્યો છે. મુંબઈના પનવેલમાં ઈન્ડિયાબુલ્સ ગ્રીન્સ મરીગોલ્ડ સીએચએસમાં 28 ઓગસ્ટે એક પાલુત જર્મન શેફર્ડએ ડિલિવરી બોય પર હુમલો કરી દીધો. આ હુમલો એ સમયે થયો કે જ્યારે ડિલિવરી બોય લિફ્ટમાંથી બહાર નીકળી રહ્યો હતો.

ગત દિવસોમાં પાલતુ કૂતરાઓા હુમલાના ઘણા વિડીયો સામે આવ્યા છે. આ પ્રકારનો એક વિડીયો સોશિયલ મીડિયા પર વાઈરલ થઈ રહ્યો છે, જેમાં ઝોમેટોના ડિલિવરી એક્ઝિક્યુટિવ પર એક પાલતુ જર્મન શેફર્ડ હુમલો કરતો દેખાઈ રહ્યો છે. લિફ્ટમાંથી બહાર નીકળતા જ ડિલિવરી બોય પર એટેક કરે છે અને તેના પ્રાઈવેટ પાર્ટ પર બચકું ભરી લે છે.

અમદાવાદ-મુંબઈ વચ્ચે Vande Bharat Express દોડાવવાની તૈયારી, આજે 130 Kmphની સ્પીડ પર ટ્રાયલ રન
ઘટના 29 ઓગસ્ટે પનવેલના ઈન્ડિયાબુલ્સ ગ્રીન્સ મેરીગોલ્ડ સીએચએસમાં બની હતી. નરેન્દ્ર પેરિયાર નામના ડિલિવરી બોયની નવી મુંબઈની એક ખાનગી હોસ્પિટલમાં સારવાર ચાલી રહી છે. હજુ સુધી એ સ્પષ્ટ નથી થયું કે, એ કૂતરાનું માલિક કોણ હતું. સોશિયલ મીડિયામાં કૂતરાના માલિક સામે કાર્યવાહીની માગ કરવામાં આવી રહી છે.

ગાઝિયાબાદમાં લિફ્ટમાં બાળકને કરડ્યું હતું
આ પહેલા ગાઝિયાબાદના રાજનગર એક્સટેન્શનની ચાર્મ્સ કેસલ સોસાયટીની લિફ્ટનો વિડીયો વાઈરલ થયો હતો. ગત 5 સપ્ટેમ્બરે એક મહિલાના પાલતુ કૂતરાએ બાળકને બચકું ભરી લીધું હતું. આશ્ચર્યની વાત તો એ હતી કે, બાળક પીડાથી કણસતું રહ્યું, પરંતુ મહિલાએ તેની કોઈ મદદ ન કરી. નવ વર્ષના બાળક પર કૂતરાએ એ સમયે હુમલો કર્યો હતો કે જ્યારે તે ટ્યૂશનેથી પાછો ઘરે જઈ રહ્યો હતો.

બાળકોને આડેધડ પેરાસિટામોલ આપવાનું પડી શકે છે ભારે, એક સ્ટડીમાં થયો ચોંકાવનારો ખુલાસો
નોઈડામાં ડિલિવરી બોય પર હુમલોનોઈડામાં પણ પાલતુ કૂતરાના હુમલાની ઘટના બની હતી. જેનો વિડીયો પણ વાઈરલ થયો હતો. નોઈડા સેક્ટર 75ની એપેક્સ સોસાયટીની લિફ્ટમાં બે લોકો જોવા મળી રહ્યા છે. એક શખસ પોતાના પાલતુ કૂતરા સાથે ઊભો છે. લિફ્ટનો દરવાજો ખૂલ છે ત્યારે બહાર જતી વખતે કૂતરો લિફ્ટમાં ઊભેલા બીજા શખસ પર હુમલો કરી દે છે. સોસાયટીના લોકોના જણાવ્યા મુજબ, આ ઘટના 15થી 20 દિવસ જૂની છે. જે શખસને આ પાલતુ કૂતરાએ બચકું ભર્યું હતું તે નજીકમાં આવેલા મેડિકલ સ્ટોરનો ડિલિવરી બોય હતો અને તે સોસાયટીના એક ટાવરમાં દવાઓ આપવા આવ્યો હતો.