મુસ્લિમ છોકરો હિન્દુ છોકરીના ઘરે પહોંચ્યો હતો, હુમલા બાદ ધરપકડ

મેરઠ/બીજનોરઃ એક મુસ્લિમ કિશોરને 10 દિવસ સુધી જેલમાં રાખવામાં આવશે, આ પાછળનું કારણ છે કે કિશોર બીજનોરમાં હિન્દુ છોકરીના બર્થડે પાર્ટી પછી ત્યાં રાત રોકાયો હતો. શરુઆતમાં ચોરીના આરોપો બાદ લવ જેહાદનો કિસ્સો સામે આવ્યો. (પ્રતિકાત્મક તસવીર)

14 ડિસેમ્બરે રાત્રે 11 વાગ્યે, તે બન્ને નાસિરપુર ગામના રસ્તેથી ચાલીને જતા હતા. છોકરાના માતાએ જણાવ્યું કે, "સ્થાનિકોએ તેમને જોયા હતા, તેમના પર હુમલો કરીને પોલીસને સોંપ્યા હતા." એક કથિત વીડિયોમાં એક ટોળું હથિયાર, પાઈપ અને લાકડી લઈને યુવકને માર મારતા દેખાય છે.

આ ઘટનાના એક દિવસ પહેલા જ ગામમાં ચોરીની ઘટના બની હતી. 16 વર્ષની છોકરીએ જણાવ્યું કે, "તેમણે અમને ચોર સમજીને રોક્યા અને પછી તેને (યુવક) માર મારવાનું શરુ કર્યું હતું."

ગ્રામ પ્રધાન વિનોદ સાનીએ કહ્યું કે, "છોકરીના પિતા સહિત તેના પરિવારના ચાર સભ્યો કોઈ કાર્યવાહી કરવા નહોતા માગતા." જેના કલાક પછી પિતાએ ફરિયાદ નોંધાવીને જણાવ્યું કે, "છોકરાએ મારી દીકરીને (એ દિવસે) જણાવ્યું હતું કે તે હિન્દુ છે માટે તેની સાથે છૂપાઈને વાત કરશે, તે મારી છોકરી સાથે ભાગી ગયો અને તેની સાથે લગ્ન કરીને તેનું ધર્મ પરિવર્તન કર્યું." જ્યારે છોકરીએ જણાવ્યું કે "કિશોરે ધર્મ પરિવર્તનનો પ્રયાસ નથી કર્યો."

"આરોપી સામે કલમ 363 (કિડનેપિંગ) અને 366 (લગ્ન માટે દબાણ કરવું) જ્યારે પોસ્કો એક્ટ, કલમ 3(2)(v) SC/ST એક્ટ હેઠળ ફરિયાદ નોંધવામાં આવી છે. આ સિવાય સેક્શન 3 (છેતરપિંડીથી ધર્માંતરણ કરીને, ખોટી ઓળખ આપીને, જબરજસ્તી, ખરીદી કરવી કે લગ્ન) અને 5(1) (બળજબરી પૂર્વક ધર્માંતરણ કરવું) સાથે UP પ્રોહિબેશન ઓફ અનલોફુલ કન્વર્ઝન ઓફ રિલિજિયન વટહુકમ હેઠળ પણ ગુનો નોંધવામાં આવ્યો હવાનું પોલીસે જણાવ્યું છે."