ટ્રમ્પની વિદાય નક્કીઃ બાઈડન સાથે તાલમેલ બેસાડવામાં લાગી મોદી સરકાર

એટલું જ નહીં ભારતીય દૂતાવાસ ઓબામા વહિટટી તંત્રમાં મુખ્ય ભૂમિકા ભજવી ચૂકેલા ભારતીય મૂળના બે મહત્વપૂર્ણ વ્યક્તિઓ સાથે પણ સંપર્ક વધારવામાં લાગી ગયું છે. તેમાંથી એક છે વિવેક એચ. મૂર્તિ અને બીજા છે રાજીવ રાજ શાહ. મૂર્તિએ બાઈડનની ચૂંટણી અભિયાનમાં પણ મહત્વની ભૂમિકા ભજવી છે અને તેમને નવા વહિવટી તંત્રમાં સારું પદ મળી શકે છે. મૂર્તિ 2014મા ઓબામાના સૌથી ઓછી ઉંમરના સર્જન જનરલ રહ્યા હતા. શાહની ભૂમિકા પણ ઘણી મહત્વની રહી હતી. તેવામાં શાહ બાઈડન વહિવટી તંત્ર સાથે ભારતનો તાલમેલ બનાવવામાં મહત્વની ભૂમિકા ભજવી શકે છે. તેઓ શિક્ષા અને અર્થ શાસ્ત્ર વિભાગના અંડર સેક્રેટરી અને અમેરિકન ખેતી વિભાગના મુખ્ય વૈજ્ઞાનિક રહી ચૂક્યા છે.

ભારતીય રાજદૂત અમેરિકન કોંગ્રેસના બ્લેક કોક્સના સંપર્કમાં પણ છે. કમલા હેરિસ આફ્રિકન-અમેરિકન સાસંદોના આ જૂથના સભ્ય છે. હેરિસના માતા ભારતીય છે પરંતુ તેમના પિતા જમૈકન છે. જોકે, ડેમોક્રેટ્સને સાધવાની રણનીતિ ચૂંટણી પહેલાથી ચાલી રહી છે. તેથી સંધૂએ જૂલાઈમાં જ હાઉસ ફોરન એફેર્સ કમિટીના ચેરમેન ઈલિયટ એન્જલ સાથે મીટિંગ કરી હતી. તેઓ હાઉસ ઓફ રિપ્રેઝન્ટેટિવના ડેમોક્રેટ સભ્ય એમી બેરાને પણ મળ્યા હતા. ભારતીય મૂળના એમી બેરા ત્યારે સબ-કમિટી ઓન એશિયાના ચેરમેન હતા. બેરા આ વખતે ચૂંટણી જીતીને અમેરિકન સંસદ પહોંચી ગયા છે.

બેરા ઉપરાંત ભારતીય મૂળના ડેમોક્રેટિક નેતા પ્રમીલા જયપાલ પણ ચૂંટણી જીત્યા છે. જોકે, પ્રમીલા સાથે વડાપ્રધાન મોદીનો તાલમેલ સારો નથી રહ્યો. પ્રમીલાએ કાશ્મીરમાં આર્ટિકલ-370 હટાવ્યા બાદ લાગુ કરવામાં આવેલા પ્રતિબંધો માટે ગત વર્ષે અમેરિકન સંસદમાં એક પ્રસ્તાવ રજૂ કર્યો હતો. ત્યારબાદ અમેરિકન પ્રવાસ પર ગયેલા વિદેશ મંત્રી એસ.જયશંકરે અમેરિકન સાંસદોના એક જૂથને મળવાની ના પાડી દીધી હતી કેમ કે તેમાં પ્રમીલા જયપાલ પણ સામેલ હતા. ત્યારે ડેમોક્રેટ પાર્ટીથી રાષ્ટ્ર પ્રમુખ પદના દાવેદાર રહેલા બર્ની સેન્ડર્સ અને એલિઝાબેથ વોરનની સાથે સાથે કમલા હેરિસે પણ જયપાલનો સાથ આપ્યો હતો.