લગ્ન કરીને સાસરે પહોંચેલી નવવધૂના હાથનું રાંધેલું ખાતા જ બધા બેભાન થઈ ગયા પછી...

ઉત્તર પ્રદેશના બદાયુ જિલ્લામાં એક લૂંટેરી દુલ્હનનો કિસ્સો સામે આવ્યો છે. જેમાં મહિલા લગ્ન બાદ પોતાના સાસરામાંથી ઘરેણા અને રોકડ રકમ લઈને ફરાર થઈ ગઈ. જાણકારી મુજબ બદાયુના કોતવાલી વિસ્તારમાં લગ્ન બાદ આ મહિલાએ સાસરીવાળા માટે જમવાનું બનાવ્યું હતું, આ દરમિયાન તેણે ખોરાકમાં નશીલો ભેળવીને બધાને બેભાન કરી નાખ્યા. આ બાદ તે ઘરમાં મૂકેલી રોકડ રકમ અને ઘરેણા લઈને કથિત રૂપે ફરાર થઈ ગઈ.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: પોલીસે જણાવ્યું કે મામલો દાતાગંજ કોતવાલીના છોટા પરાનો છે. 9 ડિસેમ્બરે પ્રવિણના લગ્ન આજમગઢની એક મહિલા સાથે થયા હતા. પરિજનોનો આરોપ છે કે ગુરુવારે રાત્રે નવવધૂએ જમવાનું બનાવ્યું હતું અને તેણે તેમાં કોઈ નશીલો પદાર્થ ભેળવી દીધો હતો. જેને ખાધા બાદ ઘરના બધા સદસ્યો બેભાન થઈ ગયા.આ બાદ સવારે જ્યારે તેમની આંખ ખુલી તો નવવધૂ ઘરેણાં અને રોકડ લઈને ઘરમાંથી ફરાર થઈ ગઈ હતી. પરિવારજનોનું કહેવું છે કે લગ્નમાં તેમનો ચાર લાખ રૂપિયાનો ખર્ચ થયો હતો. એસ.પી સિટી જિતેન્દ્ર કુમાર શ્રીવાસ્તવે કહ્યું કે, પરિવારજનોની ફરિયાદના આધારે કેસ દાખલ કરવામાં આવ્યો છે અને સમગ્ર મામલાની તપાસ કરવામાં આવી રહી છે.આ પણ જુઓઃ ઉત્તર ભારતમાં ભારે બરફવર્ષા તાપમાન ગગડ્યું