શું આજે ફાંસીથી બચી જશે નિર્ભયાના દોષીઓ? સુપ્રીમ કોર્ટમાં સુનવણી

નવી દિલ્હીઃ નિર્ભયાના દોષી વિનય શર્મા અને મુકેશ સિંહની ક્યુરેટિવ પીટિશન પર આજે સુપ્રીમ કોર્ટમાં સુનવણી થશે. પટિયાલા હાઉસ કોર્ટે ડેથ વોરન્ટ આપ્યા બાદ બંને દોષીઓએ સુપ્રીમ કોર્ટના દરવાજા ખખડાવ્યા છે. પટિયાલા હાઉસે 22 જાન્યુઆરીએ દોષીઓને ફાંસી પર લટકાવવાનું ડેથ વોરન્ટ આપ્યું છે. આજે પાંચ જજોની બેન્ચ આ અંગે સુનવણી કરશે. તેમાં જસ્ટિસ એનવી રમન્ના, જસ્ટિસ અરૂણ મિશ્રા, જસ્ટિસ આર એફ નરીમન, જસ્ટિસ આર ભાનુમતી અને જસ્ટિસ અશોક ભૂષણની બેન્ચ બંને દોષીઓની ક્યુરેટિવ પીટિશન પર સુનવણી કરશે.હવે ટેલિગ્રામ પર મેળવો દરેક મહત્વના સમાચાર, શરૂ કરવા અહીં ક્લિક કરોનિર્ભયાના ગુનેગાર વિનયે પોતાની ક્યુરેટિવ પીટિશનમાં પોતાની યુવાવસ્થાનો હવાલો આપતા કહ્યું છે કે કોર્ટે આ પાસાને નજરઅંદાજ કર્યો છે. પીટિશનમાં અરજીદાતાની સામાજિક-આર્થિક સ્થિતિ, બીમાર માતા-પિતા સહિત પરિવારના આશ્રિતો, જેલમાં તેના સારા આચરણ અને તેમાં સુધારાની શક્યતા પર પૂરતો વિચાર ન કરાયો હોવાનું કહેવાયું છે. વિનયનું કહેવું છે કે તેની સાથે ન્યાય નથી કરાયો.પીટિશનમાં કહેવાયું છે કે સુપ્રીમ કોર્ટના 2017ના ચુકાદા પછી તેના જજોની બેંચે રેપ અને મર્ડરના 17 કેસમાં દોષીઓની મોતની સજાને ઉંમર કેદમાં તબદીલ કરી છે. પીટિશનમાં આ નિર્ણયને કાયદાની દૃષ્ટિમાં ખોટો ઠેરવવામાં આવ્યો છે. સુપ્રીમ કોર્ટે નિર્ભયા કાંડ પછીના કેસમાં જ કાયદામાં બદલાવ કરીને તેના જેવી જ સ્થિતિમાં અનેક દોષીઓની મોતની સજાને ઉંમર કેદમાં તબદીલ કરી છે.ઉલ્લેખનીય છે કે તિહાર જેલમાં ચારેય દોષીઓને ફાંસીના માંચડે ચડાવવાની તૈયારી પૂર્ણ કરી દેવામાં આવી છે. દિલ્હીની અદાલતે સાત જાન્યુઆરીએ ચારેય દોષીઓ મુકેશ (32), પવન ગુપ્તા (25), વિનય શર્મા (26) અને અક્ષય કુમાર સિંહ (31)ને ડેથ વોરંટ આપ્યું છે. અદાલતે 22 જાન્યુઆરીએ સવારે સાત વાગ્યે તિહાર જેલમાં બધાને ફાંસી આપવાનો આદેશ આપ્યો છે. જેલ અધિકારીઓ ત્યારથી ફાંસીની તૈયારીમાં લાગી ગયા છે. જેલના વરિષ્ઠ અધિકારીઓએ ગુનેગારોના વજન પ્રમાણે ડમી બનાવી હતી. આ દોષીઓ માટે મેરઠથી પવન જલ્લાદને બોલાવવામાં આવશે.