માર્ગ પરિવહન અને હાઈવે(Road Transport and Highways) વિભાગના કેન્દ્રીય મંત્રી નીતિન ગડકરી(Nitin Gadkari) બુધવારના રોજ એક અનોખી સફેદ કારમાં સંસદ પહોંચ્યા હતા. આ કારની ખાસિયત એ છે કે તે હાઈડ્રોજનથી ચાલતી દેશની પ્રથમ કાર છે. ગ્રીન હાઈડ્રોજનથી ચાલતી આ કારમાં પોતે બેસીને આવીને નીતિન ગડકરીએ દેશના લોકોને એક ખાસ સંદેશો આપ્યો છે. નીતિન ગડકરીએ ભારતમાં હાઈડ્રોજન આધારિત વાહનોને પ્રોત્સાહન મળે અને લોકોમાં હાઈડ્રોજન, ફ્યૂલ સેલ ઈલેક્ટ્રિક વાહનોની ટેક્નોલોજી બાબતે જાગૃતિ આવે તે માટે આ પહેલ કરી હતી.
સંસદ ભવનની બહાર પત્રકારો સાથેની વાતચીતમાં નીતિન ગડકરીએ જણાવ્યું કે, આંતર્રાષ્ટ્રીય બજારોમાં ઈંધણના ભાવ સતત વધી રહ્યા છે, અને આખરે દેશની સામાન્ય પ્રજાએ તેની કિંમત ચૂકવવી પડે છે. અત્યારે આપણે 8 લાખ કરોડ રુપિયાનું ક્રૂડ ઓઈલ ઈમ્પોર્ટ કરીએ છીએ. જો આપણે આત્મનિર્ભર દેશ બનવું હશે તો ભારતમાં હાઈડ્રોજન આધારિત ઈંધણના ઉત્પાદનને મહત્વ આપવું પડશે.
કેન્દ્રીય મંત્રી નીતિન ગડકરીએ ખાતરી આપી કે ગ્રીન હાઈડ્રોજનનું ઉત્પાદન ભારતમાં થશે. તેમણે કહ્યું કે, દેશમાં ગ્રીન હાઈડ્રોજન માટેના સ્ટેશન પણ બનાવવામાં આવશે જેના કારણે દેશમાં રોજગારની નવી તકોનું પણ સર્જન થશે. ટૂંક જ સમયમાં ભારત દેશ ગ્રીન હાઈડ્રોજનની નિકાસ કરતો દેશ બની જશે. પેટ્રોલ પર 10 રુપિયા પ્રતિ કિલોમીટર ખર્ચ થાય છે, જેની સરખામણીમાં હાઈડ્રોજન ઈંધણ સસ્તું છે.
નીતિન ગડકરીએ જણાવ્યું કે, ગ્રીન હાઈડ્રોજન ઘણો સસ્તો ગેસ છે. તેના માધ્યમથી પ્રતિ કિલોમીટર 2 જ રુપિયા ખર્ચ થશે. પેટ્રોલ-ડીઝલની કિંમતો સતત વધી રહી છે. તે સ્થિતિમાં હાઈડ્રોજન ઈંધણ એક સારો અને સસ્તો વિકલ્પ છે. તેમણે જણાવ્યું કે દેશની આ પ્રથમ હાઈડ્રોજન કાર છે. આવનારા સમયમાં આ પ્રકારની કારોનું ઉત્પાદન ઝડપથી થશે. સરકાર દ્વારા તેના માટે ધોરણો પણ સ્થાપિત કરવામાં આવ્યા છે.
સંસદ ભવનની બહાર પત્રકારો સાથેની વાતચીતમાં નીતિન ગડકરીએ જણાવ્યું કે, આંતર્રાષ્ટ્રીય બજારોમાં ઈંધણના ભાવ સતત વધી રહ્યા છે, અને આખરે દેશની સામાન્ય પ્રજાએ તેની કિંમત ચૂકવવી પડે છે. અત્યારે આપણે 8 લાખ કરોડ રુપિયાનું ક્રૂડ ઓઈલ ઈમ્પોર્ટ કરીએ છીએ. જો આપણે આત્મનિર્ભર દેશ બનવું હશે તો ભારતમાં હાઈડ્રોજન આધારિત ઈંધણના ઉત્પાદનને મહત્વ આપવું પડશે.
કેન્દ્રીય મંત્રી નીતિન ગડકરીએ ખાતરી આપી કે ગ્રીન હાઈડ્રોજનનું ઉત્પાદન ભારતમાં થશે. તેમણે કહ્યું કે, દેશમાં ગ્રીન હાઈડ્રોજન માટેના સ્ટેશન પણ બનાવવામાં આવશે જેના કારણે દેશમાં રોજગારની નવી તકોનું પણ સર્જન થશે. ટૂંક જ સમયમાં ભારત દેશ ગ્રીન હાઈડ્રોજનની નિકાસ કરતો દેશ બની જશે. પેટ્રોલ પર 10 રુપિયા પ્રતિ કિલોમીટર ખર્ચ થાય છે, જેની સરખામણીમાં હાઈડ્રોજન ઈંધણ સસ્તું છે.
નીતિન ગડકરીએ જણાવ્યું કે, ગ્રીન હાઈડ્રોજન ઘણો સસ્તો ગેસ છે. તેના માધ્યમથી પ્રતિ કિલોમીટર 2 જ રુપિયા ખર્ચ થશે. પેટ્રોલ-ડીઝલની કિંમતો સતત વધી રહી છે. તે સ્થિતિમાં હાઈડ્રોજન ઈંધણ એક સારો અને સસ્તો વિકલ્પ છે. તેમણે જણાવ્યું કે દેશની આ પ્રથમ હાઈડ્રોજન કાર છે. આવનારા સમયમાં આ પ્રકારની કારોનું ઉત્પાદન ઝડપથી થશે. સરકાર દ્વારા તેના માટે ધોરણો પણ સ્થાપિત કરવામાં આવ્યા છે.