દેશમાં બધા લોકોને કોરોના વેક્સીન આપવાની જરૂર નહીં પડે, જાણો સરકારે કેમ આવું કહ્યું?

નવી દિલ્હી: દેશમાં કોરોના વેક્સીન બધાને નહીં આપવામાં આવે. તમને જાણીને આશ્ચર્ય તો થયું હશે, પણ આ વાત સાચી છે. કેન્દ્ર સરકારે મંગળવારે સ્પષ્ટ કર્યું કે, તેણે ક્યારેય નથી કહ્યું કે, દેશની બધી વસ્તીને વેક્સીન અપાશે. માત્ર એટલી જ વસ્તીનું વેક્સીનેશન કરાશે જેનાથી કોરોના સંક્રમણની કડી તૂટી જાય. સરકારે ઓક્સફર્ડ વેક્સીનના ટ્રાયલને પણ ચાલુ રાખવાની વાત કહી છે.

આરોગ્ય મંત્રાલયની નિયમિત પ્રેસ કોન્ફરન્સમાં ઈન્ડિયન કાઉન્સિલ ઓફ મેડિકલ રિસર્ચના ડિરેક્ટર જનરલ બલરામ ભાર્ગવે કહ્યું કે, 'હું સ્પષ્ટ કરાવ ઈચ્છું છું કે, સરકારે ક્યારેય નથી કહ્યું કે, આખા દેશનું વેક્સીનેશન કરાશે. વેક્સીનેશન પ્રભાવ કેવો રહે છે તેના પર નિર્ભર કરશે. અમારો ઉદ્દેશ્ય કોવિડ-19 સંક્રમણની કડીને તોડવાનો છે. જો આપણે જોખમવાળા લોકોને વેક્સીન આપવામાં સફળ થઈશું અને સંક્રમણની કડીને તોડવામાં સફળ થઈશું તો વધી વસ્તીને વેક્સીન આપવાની જરૂર નહીં પડે.'

સરકારે ઓક્સફર્ડ વેક્સીનના ટ્રાયલમાં ભાગ લેનારા તમિળનાડુના એક શખસ પર કથિત રિએક્શનથી વેક્સીનની ટાઈમલાઈન પ્રભાવિત થવાની આશંકાને ફગાવી દીધી. હેલ્થ સેક્રેટરી રાજેશ ભૂષણે કહ્યું કે, તેનાથી ટાઈમલાઈન પ્રભાવિત નહીં થાય. તેમણે કહ્યું કે, ક્લીનિકલ ટ્રાયલ સ્ટાર્ટ થાય છે તો વોલન્ટિયર તેમાં ભાગ લે તે પહેલા જ એક સંમતિ પત્ર પર સહી કરે છે. સમગ્ર દુનિયામાં આવું જ થાય છે. ફોર્મમાં વોલન્ટિયરને જણાવાય છે કે, ટ્રાયલમાં કંઈપણ રિએક્શન આવી શકે છે.

ભૂષણે જણાવ્યું કે, 'ડેટા સેફ્ટી મોનિટરિંગ બોર્ડ પણ ડે ટુ ડે આધાર પર ક્લીનિકલ ટ્રાયલ્સ પર નજર રાખે ચે અને કોઈપણ પ્રકારના સાઈડઈફેક્ટ્સ પર નજર રાખે છે. ક્યાંય કોઈ સાઈડઈફેક્ટ્સની વાત હોય છે તો તેને નોંધવામાં આવે છે. ડ્રગ કન્ટ્રોલર જનરલ બધા રિપોર્ટસનું વિશ્લેષણ કરે છે અને એ તપાસ કરે છે ક જે સાઈડઈફેક્ટ્સ દેખાઈ છે, તે ખરેખર વેક્સીનના કારણે છે કે નહીં.'