ઓરિસ્સાની રાજધાની ભુવનેશ્વરમાં રહેતી કરિશ્મા દિગલે મેટ્રિકમાં 91 ટકા મેળવ્યા છે. કરિશ્મા જંગલમાંથી કેરીની ગોટલી અને ફણસ વીણવાનું કામ કરતી હતી. અહીં દુખની વાત એ છે કે, આટલું સારું રિઝલ્ટ મેળવ્યં હોવા છતાં તે આગળ ભણવાની નથી. તે પોતાની માતા સાથે મળીને જંગલમાંથી ગોટલીઓ, ફણસ વીણવાનું કામ કરશે. કરિશ્માના પિતા સેનાપતિ દિગલ શહેરમાં મજૂરીનું કામ કરે છે. કરિશ્મા SC/ST વિદ્યાર્થીઓ માટે બનાવવામાં આવેલી સ્કૂલમાં ભણતી હતી. તેમની પંચાયતમાં કોઈએ આટલા સારા માર્ક્સ નથી મેળવ્યા. રિઝલ્ટ એપ્રિલમાં જાહેર થયુ હતું પણ કરિશ્માએ હજી સુધી કોઈ કોલેજમાં એડમિશન નથી લીધુ. કરિશ્માના પિતા કહે છે કે, હું પણ ઈચ્છુ છુ કે કરિશ્મા આગળ ભણે પણ અત્યારે તો તે શક્ય નથી લાગતુ. ભુવનેશ્વરની સૌથી સારી કોલેજોમાંથી એક કોલેજમાંથી એડમિશન માટે ફોન આવ્યો હતો પણ તે અસમર્થ હતા. ત્યાંના એક લોકલ NGO તરફથી કરિશ્માને મદદનો પ્રસ્તાવ મુકવામાં આવ્યો છે. NGOના સભ્ય કહે છે કે તે કરિશ્માના ઘરે એક ટીમ મોકલશે અને જાણકારી મેળવશે.
જંગલમાં મજૂરી કરવા મજબૂર છે 91% લાવનારી કરિશ્મા
I am Gujarat 24 Jul 2017, 2:30 pm