નબળો રુપિયો વધારશે CNGના ભાવ અને બગાડશે તમારા ખિસ્સાની સ્થિતિ

I am Gujarat

પેટ્રોલ-ડીઝલ પછી હવે CNG-PNGના ભાવ રોવડાવશે

સંજય દત્તા, નવી દિલ્હીઃ નબળા રુપિયાની આગ પેટ્રોલ-ડીઝલમાં તો અત્યાર સુધી દઝાડતી હતી પરંતુ હવે CNG અને PNGમાં પણ કિંમતોને રોકોર્ડ બ્રેક લેવલે લઈ જશે. ઘર વપરાશના ગેસના ભાવ માટે 6 મહિનાની રીવાઇઝ્ડ કમિિ આગામી ઓક્ટોબરમાં મળશે. જે બાદ ગેસ સીલિન્ડરના ભાવમાં વધારો આવી શકે છે. તો CNGમાં પણ મોટો ભાવ વધારો તોળાઈ રહ્યો છે.

વધી શકે છે આટલા બધા ભાવ

દેશમાં આવેલ ગેસ ફિલ્ડમાંથી નીકળતા ગેસની બેઝ પ્રાઇસમાં પ્રતિ યુનિટ 14% એટલે કે 3.5 ડૉલર લગભગ 252 રુપિયા જેટલો વધારો થઈ શકે છે. માર્ચ 2016માં ગેસના ભાવમાં અત્યાર સુધીનો સૌથી મોટો વધારો પ્રતિ યુનિટ 3.82 ડૉલર એટલે 275.17 રુપિયા વધારવામા આવ્યા હતા. નેચરલ ગેસની કિંમત ગેસના સરપ્લસ માર્કેટ જેવા કે અમેરિકા, કેનેડા, યુકે અને રશિયામાં રહેલા ભાવના આધારે દર 6 મહિને નક્કી થાય છે.

દેશના તમામ શહેરોમાં CNG-PNGના ભાવમાં ભડકો

નબળા રુપિયાના કારણે તમામ શહેરોમાં CNG અને PNGના ભાવ વધશે. રુપિયાના ધોવાણને કારણે CNG અને PNG સર્વિસ પ્રોવાઇડર માટે નેચરલ ગેસ મોંઘો થઈ જાય છે. જેના કારણે તેમણે નાછૂટકે પણ ભાવ વધારવા પડે છે. દિલ્હી અને તેની આસપાસના વિસ્તારમાં NCGના એક માત્ર સપ્લાયર ઇંદ્રપ્રસ્થ ગેસ લિ.(IGL)એ એપ્રિલથી CNGના ભાવમાં ત્રણવાર વધારો કર્યો છે. જેના કારણે કુલ કિંમતમાં 2.89 રુપિયાનો વધારો નોંધાયો છે. જેમાંથી અડધો અડધ રુ. 1.43નો વધારો તો ફક્ત રુપિયાના ધોવાણને કારણે થયો છે.

આ કારણે ગેસ પડી રહ્યો છે મોંઘો

કંપનીના અધિકારીઓએ જણાવ્યું કે તેમના માટે ખરીદ કિમત ડૉલરમાં હોય છે. જેના કારણે રુપિયાનો ભાવ ઘટતા તેમને વધુ ખર્ચ કરવો પડે છે. ભારત તેની જરુરિયાતના અડધાથી વધુ ગેસ આયાત કરે છે. જેની કિંમત દેશમાં ઉત્પન્ન થતા ગેસની કિંમત કરતા બે ગણી હોય છે.