મેડિકલમાં પ્રવેશ માટે હવે આપવી પડશે માત્ર એક જ એક્ઝામ NEET

નવી દિલ્હીઃ બુધવારે પ્રધાનમંત્રી નરેન્દ્ર મોદીની અધ્યક્ષતામાં થયેલી કેબિનેટની બેઠકમાં મહત્વના નિર્ણયો કરવામાં આવ્યા. કેન્દ્રીય મંત્રી પ્રકાશ જાવડેકરે આ બેઠક બાદ મેડિકલના વિદ્યાર્થીઓ માટે મહત્વની માહિતી આપી. તેમણે જણાવ્યું કે મેડિકલની તૈયારી કરી રહેલા વિદ્યાર્થીઓ માટે સારા સમાચાર છે તેમણે હવે અલગ-અલગ એન્ટ્રસ એક્ઝામ બદલે માત્ર એક જ એક્ઝામ NEET પાસ કરવાની રહેશે. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો જાવડેકરે કહ્યું કે હાલના સમયે દેશની અલગ અલગ મેડિકલ કોલેજોમાં અલગ-અલગ એન્ટ્રસ એક્ઝામનું આયોજન કરવામાં આવે છે. હવે તેની જગ્યાએ માત્ર NEETની એક્ઝામ લેવાશે અને તેના જ આધારે વિદ્યાર્થીઓને અડમિશન આપવામાં આવશે. ઉલ્લેખનીય છે કે NEETની એક્ઝામનું દેશભરમાં આયોજન કરવામાં આવે છે. ગ્રેજ્યુએશન અને પોસ્ટ ગ્રેજ્યુએશ કોર્સ માટે પ્રતિષ્ઠિત કોલેજોમાં પ્રવેશ મેળવવા માટે દર વર્ષે લાખો વિદ્યાર્થીઓ આ એક્ઝામ આપે છે. આ ઉપરાંત અન્ય એક નિર્ણયની માહિતી આપતા જાવડેકરે જણાવ્યું કે દેશના સૌથી મોટા હાઈડ્રો પ્રોજેક્ટને મંજૂરી આપવામાં આવી છે. અરુણાચલ પ્રદેશમાં દેશનો સૌથી મોટો હાઈડ્રો પ્રોજેક્ટ દિબાંગ મલ્ટીપર્પઝને પરમિશન મળી ગઈ છે. આ પ્રોજેક્ટ 2880 મેગાવોટનો છે.