ભારતીય સરહદમાં 700 મીટર ઘૂસ્યું પાક ચોપર, અંદર હતા પીઓકેના PM

I am Gujarat

પાકિસ્તાનનું હેલિકોપ્ટર ભારતીય સીમામાં

પુંછઃ આતંકવાદ મામલે આંતરાષ્ટ્રીય ફોરમ સંયુક્ત રાષ્ટ્ર સંઘમાં ખુલ્લા પડેલા પાકિસ્તાને સરહદ પર ફરી એક વખત દુસ્સાહસ કર્યું છે. પાકિસ્તાને આ વખતે ભારતની સરહદમાં અતિક્રમણ કર્યું છે. એક વીડિયો સામે આવ્યો છે જેમાં પાકિસ્તાનનું એક હેલિકોપ્ટર ભારતીય સીમાની અંદર દાખલ થતું જોઈ શકાય છે. રિપોર્ટ મુજબ ભારતીય સેનાએ હેલિકોપ્ટરને જોઈને જવાબી કાર્યવાહી કરતા કેટલાક રાઉન્ડ ફાયરિંગ પણ કર્યું. ત્યાર બાદ પાકિસ્તાની હેલિકોપ્ટર પરત ફરી ગયું હતું.

જુઓ વીડિયો

હેલિકોપ્ટરની અંદર હતા POKના PM

ભારતીય સરહદમાં ઘૂસી આવેલા હેલિકોપ્ટરનની ઘટનામાં ચોંકાવનારી માહિતી સામે આવી છે. અમારી સહયોગી ચેનલ ટાઈમ્સ નાઉના રિપોર્ટ મુજબ જે હેલિકોપ્ટર ભારતીય સરહદમાં આવ્યું હતું તેની અંદર POKના પ્રધાનમંત્રી ફારૂક હૈદર પણ હતા.

રેકી કરવા માટે આવ્યા હોવાની આશંકા

જેટલી ઊંચાઈ પર આ હેલિકોપ્ટર ઉડી રહ્યું હતું તેના પરથી આશંકા વ્યક્ત કરવામાં આવી રહી છે કે તેઓ આ વિસ્તારની રેકી કરવા માટે આવ્યા હતા. નિયમ મુજબ રોટરનું કોઈ એરક્રાફ્ટ નિયમંત્રણ રેખાથી 1 કિલોમીટર નજીક ન આવી શકે. જ્યારે રોટરનું કોઈ પ્લેન સરહદથી 10 કિલોમીટર નજીક ન આવી શકે.